Den e fin di siman cu a pasa tras di lomba for di diabierna na Hulanda tabatin actividad di Zomer Carnaval. E actividad aki ta tuma luga henter e weekend na unda cu e prome actividad ta un concierto unda cu diferente artistanan internacional ta bin canta, e aña aki a duna su show Irisais di Boneiro y algun artista mas. Den e di dos dia ta e Carnaval mes cu ta tuma luga den dia y e aña aki por a tuma nota di un Zomer Carnaval cu tabata super luhoso.

Zomer Carnaval ta un actividad unda cu personanan cu ta di Aruba, Curacao y Sint Maarten cu ta biba na Hulanda ta bini hunto y celebra nan carnaval. Sinembargo aña pa aña no ta solamente esunnan di e islanan aki cu ta biba na Hulanda ta celebra pero hopi persona di Hulanda mes, pero tambe di otro paisnan ta bin specialmente pa celebra Zomer Carnaval na Hulanda. E fiesta aki ta algo cu aña pa aña ta creciendo y ta bin cu un ambiente unico na Hulanda.

LEAVE A REPLY

Please enter your comment!
Please enter your name here