Dia 17 di December 2020 nos minister president a firma cu e Common Trust Network y asina Aruba bira e prome isla den Caribe pa afilia na e organisacion aki. Common Trust Network ta asocia cu e Foro Economico Mundial. Cu e firmamento gobierno a mara su mes na cumpli cu e agenda 2030 cu ta encera 17 punto cu mester wordo implementa. Foro Economico Mundial su lema ta bo lo no tin nada y lo bo ta contento.

E promer punto di agenda 2030 ta poni cu mester pone fin na pobresa na henter mundo. Aki na Aruba nos ta bibando den un crisis caminda gran parti di nos poblacion nan placa no ta yega pa tin cuminda riba mesa. Si e agenda aki ta asina bon di con nos isla tin cu biba den miseria y gobierno no ta yuda pa alivia e peso cu tin riba lomba di pueblo. Costo di bida a subi cu 100% y nos no por papia mas di un inflacion bao di 10%.

E di 2 punto ta pa pone fin na hamber y logra un seguridad alimentario y mehora nutricion y promeve agricultura. Nos por mira hopi punto bunita riba e agenda pero gobierno ta haci net contrario. Si nos pueblo su placa no ta yega ta con nos pueblo por hiba un bida saludabel. Hopi peticion pa tereno pa plantacion ainda ta pega na DIP y tin hende ta warda mas cu un aña caba. Gobierno no tin ningun plan hinca den otro con lo yuda nos agricultornan. Nos di partido Curpa tabata tin plan hinca den otro pa nos agricultornan por haya awa di calidad pa nan por sembra. Nos no por sinta man crusa y warda e cuminda cay for di cielo. Na Merca tin mas 100 fabrica cu ta procesa cuminda a kima. Por a lesa tambe cu mas cu 10 mil baca a muri supuestamente door di calor.

E di 3 punto ta garantisa un bida sano y promove bienestar na tur edad. Nos ta den un crisis y kier garantisa un bida sano. Nos grandinan y esnan mas vunerabel riba nos isla tin cu biba di pensioen y onderstand bao di minimumloon. Si esnan cu tin un salario mes ta lucha pa sobrebibi ta con esunnan cu menos lo por logra esey? Otro punto mas cu ta keda na palabra. Ki bida sano bo por tin si gobierno a bay di acuerdo cu un vacuna di Pfizer cu no ta aproba y ta malo pa salud di hende. Huez a ordena pa publica e contenido di e vacuna cual ta malo pa salud di hende. Di 46 mil test pasa e 42 mil tin e side effect y 1200 a fayece.

Punto 4 ta papia di educacion inclusivo, igualdad, calidad y promove oportunidad di estudio durante henter bo bida. Nos por mira aki scol pa hopi tempo cera y otro a basha abao. Nos por corda cu e gabinete anterior a papia cu mester economisa 25 miyon riba educacion. Nos por mira cu nos maestronan ta lucha cu pobresa na scol y hopi biaha maestronan tin cu saca placa for di nan cartera pa cumpra material pa duna les. No ta garantisa trabao na empleadonan di limpiesa na scol den e proximo aña escolar. Un otro punto mas bunita pero sin contenido. No ta papia mes di e materianan cu lo mester wordo duna na scol. E enseñansa na Merca a trece hopi problema pa via cu kier hinca e enseñansa cu no por papia mas di hende homber ni hende muhe. No ta usa wc pa hende homber ni hende muhe mas. E enseñansa lo trece mas bruhacion bao di nos criaturanan. Pa nos e cos aki ta inaceptabel. No por bruha nos muchanan. Ora nan ta grandi nan por dicidi.

Punto 5 ta papia di igualdad entre genero. Esaki ta totalmente contra di leynan di Dios. Dios a crea homber y muhe. Hasta ora un hende muri nan por deduci si e ta homber of e ta hende muhe. E hende muhe su structura di curpa ta diferente cu esun di homber. Ni si e homber laga corta su toteki e no por cambia di sexo. Na Merca a prohibi hende homber cu a corta nan toteki pa competi den sport di hende muhe. E heup di hende muhe ta diferencia cu esun di hende homber sin conta e ribchinan. E hende muhe ta crea pa Dios pa duna luz. Ta prueba cientificamente cu hende no ta nace cu un problema di identidad. Akinan ta bon pa mayornan mira bon unda ta laga nan criatura pa nan no wordo molestia ora nan ta baby y ta crece cu desviacion den identidad. Esmas 99% cu a haci cirugia ta comete suicidio.

LEAVE A REPLY

Please enter your comment!
Please enter your name here