Ayera atardi durante un conferencia di prensa di partido RED a bin dilanti algun declaracion di lider di e partido Ricardo Croes, pa loke tin di haber e caso penal Avestruz.
Pa cu esaki, Croes a señala cu e tema di corupcion, infrastructura y tereno ta rib a mesa na unda el a dirigi na e persona cu a keda deteni ayera pa e caso Avestruz cu ta Leoncita Arends “yiu ta cay cera, mama ta cay cera, ex-minister bao investigacion un otro ex-minister ta bao investigacion y tur di nan a sali for di e mesun kliek berde, mesun kliek di gobierno anterior.
E la recorda pa medionan di comunicacion tur e corupcion cu pais Aruba a pasa den dje y cuanto cos cu no a bay corecto segun loke el a sigura, cu casonan cu a para den corte.
Shonnan corupcion ta caba cu tur pais na mundo, Croes a menciona.
Asina mes, el a bisa cu nan a hiba un campaña dirigi contra corupcion y cu nan a papia di integridad y demostra integridad financiero, el a pone como por ehemplo minister demisionario di Enseñansa, Ciencia y Desaroyo Sostenibel Armando Lampe na unda el a enfatisa cu e la actua corecto durante su periodo como minister cu tin di haber cu maneho di placa di pueblo y no enrikeciendo su mes ni su famia.
“Pueblo tin cu lanta for di soño ora cu bo ta dicidi pa ken bo ta vota, pero mi ta contento cu husticia si, si bo ta comete e crimen y nos tur ta pecador, bo tin cu paga p’e” Croes a expresa.
