Lil Wayne ta culpando un ‘tercero no relaciona’ pa caba cu su plan pa haci un presentacion na e pelea di Mike Tyson, bisando TMZ Sports cu no tin problema entre su persona y Triller.

Fuentenan cercano na Wayne ta bisa cu e rapper a caba cu celebracion di Accion di Gracia cu su famia na Louisiana trempan pa asina e por ta na Los Angeles pa haci un presentacion durante e pelea – y en berdad el a haci e biahe. Pero algo a bay malo riba e dia di e pelea, loke a pone Wayne cancela henter e evento.

Pues kico a pasa? “Desafortunadamente tabatin un tercero no relaciona cu a intenta di hinca nan mes den e proceso di produccion entre Triller y Lil Way e anochi prome cu e evento y e mainta di esaki, y desafortunadamente esaki a causa un problema suficiente cu Wayne no por a presenta”, Triller a bisa den un declaracion conhunto cu Wayne.

E detayenan tras di escena no ta cla, pero un fuente a pone asina: un di productornan di e evento “a interferi cu Triller y Lil Wayne na ultimo momento purbando di hinca nan mes, y a termina creando un desaster y confusion. Na dado momento, Wayne a bira frustra y a dicidi cu tabata miho pa no haci e presentacion. Pa ora Triller a haya sa di esaki ya tabata demasiado laat.”

“Unfortunately there was an unrelated 3rd party who attempted to insert themselves in the production process between Triller and Lil Wayne the night before the event and the morning of and it unfortunately caused enough of an issue that Wayne couldn’t perform,” Triller said in a statement co-issued by Wayne.

Wayne – kende ta co-propietario di Triller – a bisa cu e ta orguyoso di e forma con e evento a resulta, ‘pero tabata berdaderamente decepciona cu e tercero a preveni mi di haci mi presentacion’.

Tanto Wayne como Triller ta bisa cu nan ta den bon termino y a nota cu e rapper ‘sigur lo ta riba e proximo pelea di Triller’.

 

LEAVE A REPLY

Please enter your comment!
Please enter your name here