Lo converti plantacion antiguo di caña na Sint Eustatius den bario di vivienda social

ORANJESTAD – Sint Eustatius lo haya 70 parcela di tereno na e plantacion antiguo di caña, danki na un pareha Hulandes. Esaki o beneficia principalmente muhenan hoben, hopi di nan cu ta mamanan soltera. Generalmente pa hopi di nan cu no por paga un parcela debi na prijsnan halto pa tereno.

Debi na e prijsnan actual di un tereno, ta casi imposibel pa cumpra un tereno pa asina construi un cas. E ciudadanonan casi nunca ta cualifica pa un hypotheek debi na reglanan stricto y rekisitonan duna pa banconan.

E pareha Hulandes Bouwman kier a cambia esaki. Casi trinta aña pasa un dentista Hulandes Henriette Bouwman a muda pa Statia cu su casa, un medico di empresa y economista, Cees Bouwman. Debi na su amor pa e isla, nan a cumpra un plantacion antiguo di caña di sucu na e valley di e isla na 2008. Esaki ta segun e fuente RetKaribense.

Herederonan Mericano
Enfrenta cu un exodo di hobennan di Statia y situacionnan na unda cu nan a wordo obliga pa biba cu nan mayornan. E famia Bouwman kier a yuda nan pa haya un solucion pa e problema. Sinembargo tabata tin un problema chikito ora cu nan a cumpra e plantacion antiguo, un di e clausulanan cu e herederonan Mericano a stipula cu e propiedad no por wordo desaroya ni pa vivienda of pa industria.

E pareha Hulandes a biaha pa Kentucky y Arizona pa asina convence e ultimo herederonan di nan plan pa yuda Statia cu un vecindario nobo. Nan a logra pa convence nan y awo 70 parcela a wordo bendi.

Si ta depende di e pareha Hulandes, e vecindario nobo lo tin un aspecto Europeo y e casnan Horcan proef. E casnan mester wordo completa den shete aña. Tin espacio pa un supermercado y un cas pa anciano y personanan cu discapacidad. E tereno pa caretera y artefactonan di iluminacion wordo duna como donacion di e gobierno pa asina por construi camindanan y mante nan

 

You May Also Like

Fiscalia di Bolivia no a proba procedencia di fortuna di Zapata

Fiscalia no a logra demostra procedencia di e fortuna di Gabriela Zapata, ex-pareha di ...

Imperio Nobo: cartel di droga nobo mientras Mexico tin 400 banda caba

(InfoBae).- Un cartel di narcotrafico na Mexico ta manera un hidra (animal di siete ...

Brasil: Cinco aresto den caso di dam kibra

Al menos cinco persona a ser aresta ayera pa autoridadnan Brasileño, acusa di a ...

Jamaica: Advertencia pa turistanan Britanico pa keda den nan resort na Montego Bay

Gobierno di Jamaica a declara un estado di emergencia na districto di St James, ...

Parlamentarionan di Curacao lo por reconcilia

Parlamentario Giselle Mc William ta dispuesto pa acepta e disculpa di su colega Jacintha ...

Horcan Maria: Isla completo di Puerto Rico a keda sin coriente

E wowo di e horcan Maria a caba di laga Puerto Rico, pero ainda ...