Un maestro di scol na Judson High School den estado di Texas, Merca, ta wordo acusa di a organisa fiestanan sexual pa hobennan menor di edad y sentencia na 10 aña castigo di prizon. New York Post a reporta cu Jared Anderson, kende a wordo anuncia como maestro di aña na Judson High School, ta culpabel di cuater acusacion di asalto sexual cu menor di edad y dos otro cargo di indecensia cu un menor, abogado Eduardo Garcia a bisa San Antonio Express News.
Aparentemente Anderson tabata maestro di ingles na e scol anto tabata tin basta luna caba ta organisa e tipo di fiestanan aki. E fiestanan tabata enfoca riba hobennan masculino menor di edad. Anderson a organisa un fiesta na su cas riba 12 di februari 2016, cual el a yama un “bros night”, cu siete mucha homber entre edadnan di 15 cu 17 aña. Riba e porta tabata tin un papel cu e palabranan skirbi: “E ultimo pa kita su paña mester haya e prome reto.”
