Ayera mainta maestronan di Colegio Arubano, a reuni cu otro pa asina fiha un posicion segun loke Sindicato di Maestro (SIMAR) a indica ayera atardi mediante un comunicado dirigi na medionan di comunicacion local.
SIMAR a expresa cu Korps a scoge pa reanuda trabao awe 26 di januari 2022 pa garantisa continuacion di enseñansa maske cu nan ta sinti nan mes intimida y bao di e siguiente condicionnan:
1) Directiva completo di SVOA (Ernesto Rosenstand, Mariska Dania, Juancho Pilongo, Patricio Nicolaas y Giacomo Petrocthi) y coach (Jalken Antonia) mester abstene di subi tereno, pa garantisa e seguridad propio y paz mental di e korps.
2) Y nan exigencia cu ta poni den e carta fecha 18 januari 2022 dirigi na directiva ta keda vigente.
E maestronan ta bay presenta mañan na pia di trabao pa brinda nan alumnonan, e oportunidad pa finalisa nan pruebanan (CP/SE). Pero mester accentua si cu ta presenta na trabao bao di protesta y e situacion ta keda critico, SIMAR a finalisa y tambe a sigura cu nan lo sigui informa comunidad tocante e situacion aki.
