maestro demotiva

Recientemente minister di Finansa a haci entrega oficial di e concepto di  ley di presupuesto 2016 na Gobernador di Aruba.  Den tratamento di presupuesto e sector di ense├▒ansa ta uno cu -segun secretario di SEPPA, sra. Magaly Brito- mester haya su atencion for di Gobierno mirando e demotivacion cu ta existi cerca esunnan cu ta brinda e servicio aki, esta e educadonan.

E ta considera cu e sector educativo merece hopi mas  atencion di locual tin den e momentonan aki. Esaki ta demanda mayor esfuerso pa nos por hiba e sector di educacion pa dilanti pa asina guia nos muchanan y hobennan padilanti y guia nan pa un miho futuro di ma├▒an. Sra. Brito ta haya cu no mester lubida cu actualmente e maestronan ta sinti un falta di atencion pa loke ta nan situacion di compensacion  pa e trabou cu nan ta eherce. 

E sindicalista a declara cu e situacion aki ta algo cu e ta kere cu sindicato cu ta representa nan miembronan den e sector di educacion ta trahando hopi duro pa si nan por keda cla riba e posicion huridico di maestronan y nan mehoracion laboral. SEPPA ta na altura cu otro trabou ta bay cuminsa pa asina bin cla cu alocacion di fondo y finalmente lo por bisa cu e docentenan aki ta conoce un mehoracion den su posicion huridico.
El a se├▒ala cu e frustracion cu ta reina y ta bin birando mas fuerte bou e sector di ense├▒ansa  ta basa riba un historia di a├▒anan. ÔÇťTa cosnan cu ta papia bunita di nan pero na final no ta conduci na un eficiencia den trabou, y no ta conduci na motivacion na pia di trabouÔÇŁ, el a bisa.  Pero pio ainda nan no ta conduci na solucionnan cu ta sosode  tanto nan pia di trabou, pero cu tin di haber cu situacion social akinan na Aruba.

Cortamento di presupuesto
Pues, segun sindicalista Brito, e alocacion di fondo  no mester ta basa den cortamento di presupuesto di un banda pa pone otro banda, pasobra nan ta kere cu actualmente cierto sector tin mas prioridad cu otro.  E ta considera cu mester considera educacion riba su mes  como prioridad y un factor necesario pa  guia nos muchanan y hobennan pa bay dilanti.  E sindicalista ta kere cu mester crea e ambiente caminda esunnan cu ta duna e servicio di ense├▒ansa mester ta contento y satisfecho realmente fin di cada a├▒a escolar  y igualmente na comienso di a├▒a escolar.  Ultimo tempo tin demasiado critica riba resultadonan   escolar y e ta mira cu nan ta purba di tire solamente riba e docentenan, pero no ta wordo para un rato cu pa brinda e servicio optimalmente tin mas componentenan cu mester ta den su luga pa tur cos funciona.

LEAVE A REPLY

Please enter your comment!
Please enter your name here