Fuentenan confiabel ta indica cu Aqualectra falta cash y esaki ta pa motibo di menos consumo di electricidad y awa, y e deterioro den comportamento di pago di cliente.

No a yega cero ainda, pero si e tendencia actual continua, lo ta prome cu fin di e aña aki. A menos cu tuma medida drastico cu ta relaciona cu e coleccion di balans di debe y mas reduccion di costo.

E crisis di coronavirus a trece hopi cos, incluyendo un situacion financiero precario na varios compania, sea pa motibo di lockdown of e deterioro di condicion economico.

Specialmente e hecho cu hotel, compania y clientenan industrial no ta operando ta nifica cu compania di utilidad ta spera un caida den benta.

E fuente ta bisa cu e gerencia awo ta tumando na cuenta cu lo cera aña 2020 cu 8 porciento menos benta di electricidad y 1 porciento menos consumo di awa compara cu 2019.

Sinembargo, ta principalmente e deterioro den comportamento di pago di clientenan cu ta afecta e compania di energia.

E compania di utilidad a bisa cu ‘ya a tuma varios medida pa reduci gasto’. Sinembargo, mester tuma mas medida pa finalmente tene e compania financieramente saludabel, segun e fuente a bisa Curaçao Chronicle.

 

LEAVE A REPLY

Please enter your comment!
Please enter your name here