Manifestacion awe pa hala atencion di tur automobilista

E accidente riba Sasakiweg ayera unda un automobilista a dal 2 ciclista coriendo 120 km, a causa un inkietud  specialmente den comunidad di deportista.

E dos homber Faissal Barroso y Rene Franken a scapa, segun famia. Aunke ambos mester a bay hospital, e heridanan no tabata asina grave cu por a spera di e impacto. Casa di sr Barroso a post e potret di dje den hospital riba su peticion: “Mi casa a pidi mi post su potret aunke e ta hopi grafico, pa automobilistanan iresponsabel wak kico ta e consecuencia di nan actonan.”

Segun e casa e dokternan a indica cu nan no ta compronde con ‘despues di a wordo gedal pa un auto coriendo 120 km pa ora, tira den halto dos biaha, kibra full e windshield y front di e auto, bicicleta a kibra den 3 pida, helm kibra, sla na cabes, nek, lomba, pia cu e unico weso cu  mi casa a kibra ta un dede y su nanishi.  Nan a bisa cu normalmente un accident asina lo por costa su bida of kibra yen di weso. Sr. Barroso ainda ta den hospital, e otro ciclista Franken si por a bay cas despues tratamento.

 Perde control
Segun e automobilista e tabata pasando auto pa bay drenta den otro banda y asina un bus a haci un maniobra cual a pone cu el a perde control. El a admiti cu e tabata riba un velocidad halto ora el a dal e dos ciclista.

Manifestacion
E incidente a trece comentarionan fuerte di mayoria coredonan di bais, pero tambe di coredonan di pia y otro deportistanan cu ta uzando e cayanan pa nan deporte. A sali un yamada for di Swikers Tri Team pa awe tardi bin hunto na e parkeerplaats di Alhambra y asina hala atencion di tur automobilista pa ‘share the road’ y asina tene cuenta cu e otro usuarionan di caminda.

 

You May Also Like

Meteo: Ta extende aviso di cautela riba lama

Ta pidi ocupantenan di boto chikito pa procede cu cautela riba lama grandi, specialmente ...

ATA: Menos volumen pero no tin caida pisa di turismo

Director di Oficina di Turismo Aruba (ATA), Ronella Tjin-Asjoe-Croes a declara na Bon Dia ...

Lek diesel hospital a contamina Bubali Plas

Aunke autoridadnan a haci esfuerso pa preveni cu e lek di diesel for di ...

Primicia di Bon Dia, awor Citgo ta confirma: proyecto refineria a para

Pa un tempo caba Bon Dia ta publicando riba e situacion di e refineria ...

Prijs di fruta a subi cu casi 28% na februari

Cuminda a bira mas caro na februari, asina por lesa den e ultimo cifranan ...

“Mi vision ta esun di trece balor na nos miembronan”

Michelle de Groot a asumi e responsabilidad di ta  directora di Atia. El a ...