Marisol Lopez-Tromp: ”Gobierno no a firma ningun acuerdo ainda”

5Acuerdo.jpg

Segun Presidente di Parlamento Marisol Lopez-Tromp despues di reunion publico na Parlamento na unda gobierno a duna un presentacion riba e deal di Citgo . E operacionnan mester cuminsa per 1 augustus, pero gobierno no a firma ningun acuerdo ainda anto ta te ora gobierno haya un acuerdo ta ora por cuminsa bay na cambia y introduci e leynan necesario.

”Nan no a firma nada ainda cu Valero, contrario na loke tur hende a kere ora nan a anuncia cu tin un deal. No tabata tin ningun acuerdo firma, paso no tin acuerdo ainda dus den un fase mas prome, gobierno a duna un splicacion di kico tur ta e intencionnan anto den e cuadro ey tabata importante pa parlamento wordo informa prome cu pensa di bay over na cualkier acuerdo”, Sra. Tromp ta bisa.

Sra. Tromp ta splica ta cu door di esey el a pidi un overeenkomst pensando cu tabata tin un acuerdo, pero no tabata tin ni ainda tin un acuerdo actualmente. Sra.Tromp ta splica Bon Dia cu  Minister de Meza ta contesta cu e no por duna ningun acuerdo ainda, ta awo nan ta negociando cu Valero y segun Sra. Tromp si ainda no tin acuerdo con cu bay bin ta importante pa Parlamento ta informa di e asunto den e momentonan aki ”No tin ningun ley ni nada ainda, esaki ta echt djis informacion di kico tur a pasa y ta pasando ainda, pero ora cu esey caba si al caso gobierno mester yega na un acuerdo, e ora ey ta sigui bay na e cambio di leynan. ”Aworaki loke a pasa ta cu Staten ta mas na altura riba kico tur gobierno a haci te awo, kico tabata e intencion y con cos por ta bay ta. A haci un cantidad di pregunta di cual Ministernan a purba contesta tur anto caminda tabata tin pregunta habri a bay pa un di dos ronda pues tabata tin amplio profundidad entre otro y e contestanan tambe a bini y a base di esey mi por bisa cu cos no ta asina leu cu cosnan ta cla. Nan ta bezig si, pero no por duna parlamento un acuerdo si no tin un acuerdo firma ainda”, Sra. Tromp ta comenta.

Segun Sra. Tromp, a pensa cu tabata tin un acuerdo cla y firma anto cu gobiero a anuncia na Venezuela anto nan a bin celebra sin cu parlamento sa di nada. ”E ora ey mi a manda un carta pa nan pensando cu tabata tin un acuerdo caminda cu nan a contesta cu e onderhandelingen ainda ta andando cu Valero, anto a base di esey nos a invita nan bin Parlamento. ”

 

You May Also Like

Hulanda kier yuda combati criminalidad y ilegalidad na nos isla

Minister di defensa Hulandes Ank Bijleveld a laga conoce durante su bishita di trabou ...

camara comercio venezolano Br.jpg

Hopi Venezolano ta uzando Arubianonan pa por lanta compania na Aruba

Camara di Comercio y Industria di Aruba (KvK) ta ripara cu e negoshinan tipo ...

Editorial: Nos ta prepara pa un colapso na Venezuela?

E señalnan t’ey caba! Den e dianan aki nos ta tende bastante comentario tocante ...

Caricom y Reino den un colaboracion mas estrecho

Reino Hulandes y e organisacion Caribense Caricom (representando 20 pais) a forma un colaboracion ...

5P3A2976.jpg

Homber benta abou riba e caminda na Casibari

Diadomingo merdia un homber a keda haya benta abou riba e caminda na Casibari. ...

WhatsApp Image 2016-11-20 at 10.20.10 AM.jpeg

Señora cu dolor di parto durante yobida pisa

Ambulans  dunando asistensia na un señora na estado cu a haya dolor di parto ...