Abuso mucha

Den cuadro di celebracion di e Dia Universal di Derecho di Mucha mester remarca e situacion tristo cu un 10% fei un poblacion di alrededor 141 miyon di mucha di America Latino y Caribe ta biba.

13 aña despues cu a establece e convenio di Organisacion Internacional di Trabao tocante e formanan di trabao infantil, ainda tin miyonnan di mucha ta traha. Nan ta labora den diferente tarea cu ta pone nan mes den risico pa nan integridad fisico y psicologico, loke ta stagna e muchanan pa desaroya nan mes na scol y haya un educacion digno.

Explotacion laboral infantil
Den e region aki e muchanan ta traha den sectornan industrial manera construccion, mineria y  industria textiel. Tambe den e sector di agricultura cu ta uno unda casi 60% de mucha homber y mucha muhe ta traha.
Un aspecto lamentabel ta cu e di dos tercera parti di e muchanan cu ta traha no ta haya ningun sorto di recompensa of pago pa esaki. E mucha muhenan ta esunnan mas afecta loke ta mustra un distincion di genero.
Abuso di mucha
Un otro fenomeno alarmante cu no por laga un banda ta explotacion di muchanan den actividadnan ilegal y condenabel  manera prostitucion, pornografia, narcotrafico, caminda e promotor di esaki cu hopi biaha ta e famia mes. Nan ta obliga e muchanan pa haci cosnan denigrante di risico halto cu por daña e mucha su bida pa semper. Loke ta un violacion teribel di nan derecho humano y un crimen contra humanidad.
Un mucha cu ta traha ta exponi na mesun peliger cu un trahado adulto. Sin embargo nan ta hopi mas vulnerabel na situacionnan di peliger pa su condicion di mucha mes. E falta di proteccion social ta haci e consecuencia nan mas grandi manera un incapacidad pa semper, un daño pa nan salud. Ademas di e daño nan psicologico y emocional.

Aunke tin diferente organisacion cu ta pone nan esfuerso pa acaba cu explotacion infantil, ta necesario sigui lucha y sigui denuncia accionnan no legal cu ta bay contra di e mucha nan derechonan: Derecho na bida, derecho di hunga, derecho pa expresa nan opinion, derecho pa tin un famia, derecho na salud, derecho na proteccion contra trabao infantil, derecho na un nomber y un nacionalidad, derecho na cuminda y nutricion, derecho pa biba den harmonia y derecho na educacion.

Derechonan di Mucha
Na 1948 Nacionnan Uni (ONU), e organisacion internacional mas grandi cu ta existi, a aproba e Declaracion Universal di Derecho Humano. E documento aki tabata contene den dje e derechonan di mucha, aunke no tabata duna e topico aki e  importancia cu ta merece.

Algun aña despues na 1959, Asamblea General di ONU a aproba un declaracion di Derechonan di Mucha cu ta contene 10 principio fundamental. Algun tempo despues, ONU a determina cu e Fondo di Emergencia di Nacionnan Uni, UNICEF, mester keda na encargo di e proteccion di tur mucha. For di e tempo ey, UNICEF ta encarga di proteha huridicamente e muchanan. Finalmente na 1989 a tuma luga e Convencion riba e derechonan di mucha.

LEAVE A REPLY

Please enter your comment!
Please enter your name here