(NLTimes) – Mas di 2,400 kilogram di cocaina a ser haya abordo di barco di containter MSC Lorena, cual a haya su mes forsa pa mara na Vlissingen fin di december despues di un menasa di bom, cu a resulta di ta alarma falso. “A haya e droga den un container cu un cargamento di cocoa”, oficina di fiscal di Antwerp a bisa.
Polis Belga a ricibi e menasa di bom dia 22 di december, tempo cu e container tabata cerca di costa di Vlissingen. E barco a haya su mes forsa pa mara pa un siman. Despues cu investigacionnan no a haya nada, e barco por a bay na waf di Antwerp dia 29 di december pa descarga su carga.
Despues, polis a aresta dos sospechoso involucra den e alarma falso pa bom. E dos sospechoso tabata un homber di 24 aña di edad for di Delft, y uno di 22 aña di Hagenaar. Ambos homber ta sospecha di menasa di comete un crimen terorista.
Segun NOS, polis kier pa recupera e daño causa pa e menasa falso di bom for di e dos sospechoso. “Mester a mara e barco pa un siman, pues no por a descarga e carga. Ademas, mester realisa cu, por ehempel, djis fia un telefon pa haci un menasa por tin consecuencianan enorme”, segun Gert Wibbelink, cabesante di Departamento di Infrastructura di Unidad Nacional, a bisa e noticiero publico.
