(DiarioLibre) – E Defensor del Pueblo a duna di conoce diadomingo ultimo e resultadonan di e Encuesta Nacional de Derechos Humanos (ENDH 2022), cual a indica cu 54.4% di poblacion Dominicano no sa cual ta nan derechonan fundamental estableci den constitucion di e Republica.

E estudio elabora cu un muestra di 800 persona di manera presencial y via telefon, a establece cu ademas, solamente 3.25% a responde cu nan conoce tur e derechonan; 29.96% a indica nan conoce varios; 8.36% conoce por lo menos un derecho humano y e resto, 4%, a dicidi di no contesta e pregunta.

E derechonan humano garantisa den Constitucion Dominicano ta e derecho na bida, libertad, na salud, igualdad, alimentacion, educacion, libertad di expresion, na vivienda y un trato digno y no discriminacion.

Como un descubrimento importante den e estudio aki, segun edad, e grupo cu conoce tur e derechonan humano ta entre 40 aña y mas. E personanan di 18 pa 24 aña cu a participa, no conoce ningun derecho humano.

Ademas e nivel educativo ta un indicador di conocemento di derechonan, mas halto e nivel educativo, mas grandi e nivel di conocemento di e derechonan humano. Pa loke ta e sexo indica pa e personanan den e encuesta, e encuesta no a duna ningun diferencia pa loke ta e conocemento tocante derechonan entre homber y muhe.

LEAVE A REPLY

Please enter your comment!
Please enter your name here