Mas hende registra pa vota na Hulanda

Alrededor di 500 persona ta registra pa vota otro siman den eleccion di Hulanda  Esaki ta un cifra mas halto cu e ultimo eleccion.

Otro siman diaranson, 15 di maart, tin eleccion na Hulanda. Ciudadanonan nacionalidad Hulandes bibando na Aruba  tabata tin e oportunidad pa registra pa vota den eleccion di Tweede Kamer te cu 1 di februari 2017.

Jeroen Boudestijn, vocero di VNO (Vertegenwoordiging van Nederland) ta informa Bon Dia Aruba riba e cantidad di registracion y conclui cu tin mas hende registra cu biaha pasa. Den comparacion cu eleccion di Tweede Kamer den 2012 unda tabata tin 315 registracion. Desde diamars e hendenan cu a registra por bin busca nan papelnan pa vota. “Nos a caba di haya e prome ‘Oranje retour enveloppen’ cual ta keda cera y nos tin esaki warda anto bon sigura,” sr. Boudestijn ta bisa. Tur e registracionnan nan ta manda na Den Haag caminda pa eynan nan ta controla.  Hendenan tin e opcion pa manda nan formulario di registracion na Den Haag directamente of  haci esaki via VNO.

Rekisitonan
Na Den Haag ta controla si e personanan registra pa vota ta cualifica pa esaki y cumpli cu tur rekisitonan. Por ehempel si bo ta biba na Aruba awo, bo mester por a biba minimo 10 aña na Hulanda pa bo por cualifica pa vota como tambe cumpli cu algun otro rekisitonan legal. Sr. Boudestijn: “Tur esey ta tras di lomba. Hopi hende a bay busca nan papelnan pa vota otronan ta haya nan na nan cas via koerier. Nos tin algun ainda akinan sperando pa hende bin busca nan.”

 

 

 

You May Also Like

mucha cera den auto

Baby cu mucha chikito laga den auto cera pa mayornan landra

Polis a kiebra bentana di un auto cera pa asina por saca un baby di algun ...

28juni, JM, FPNC.jpg

FPNC: Vision pa logra participacion y integracion

Desde inicio FPNC tabata tin como mente manera tambe ta ser describi den e ...

Organisacion: caminata Unidos Por Venezuela ta no politico

Un grupo di Venezolano residencia na Aruba ta organisando un caminata  humanitario yama Unidos ...

Andrew Hoo nombra como nobo alto comisario interino

Andrew S. Hoo ta nombra como alto comisario interino di cuerpo policial. E ta ...

Economia circular pa companianan sobrevivi den futuro

15 aña pasa e buki Cradle to Cradle; Remaking the Way We Make Things ...

Lista di MAS, ReD y CURPA ta conoci

Te cu na momento aki, tur 3 partido programa pa entrega nan lsita a ...