Di con Aruba a acepta recorte 60 miyon di AZV, Dicon Gobierno a bay de acuerdo cu e recorte di 60 miyon den gasto di AZV. Esaki ta un pregunta cu fraccionnan di MAS y Accion21 tin y kier contesta y ta spera cu e Minister di Salud Publico por bin Parlamento pa un reunion publico.

E miembronan di e dos fraccionnan aki, drs. Marisol Lopez Tromp, Aquanette Gunn di MAS y Miguel

Mansur di Accion21 a manda un carta pa Presidente di Parlamento mr. Edgard Vrolijk pa mas lihe

posibel haya claridad riba e situacion di e cortamento di 60 miyon den gasto di AZV y e

preocupacionnan di fysioterapistanan.

Manera ta conoci, recientemente e Asociacion di Fysioterapista di Aruba a entrega un carta na Parlamento cu copia pa Minister di Salud, riba nan preocupacion cu ta considera pa saca nan servicio for di e pakete basico di AZV. “Presidente di e asociacion, Sr. Marlon Maduro a bisa na momento di a entrega e manifiesto, cu a purba drenta den contacto cu Minister di Salud Publico sr. Dangui Oduber, pero cu apesar di varios intento no a logra reuni cu e Minister,” e carta di e dos fraccionnan ta bisa.

“Mirando cu e carta di e asociacion ya tin 10 dia na Parlamento y mirando e caracter urgente di e

asunto, nos no ta duda cu Presidente di Parlamento lo yama e reunion mas lihe posibel,” e

miembronan di e dos fraccionnan a bisa den nan carta. E temanan specifico pa e reunion publico lo mester ta e recorte di gasto di AZV y e preocupacion di e

fysioterapistanan di Aruba.

LEAVE A REPLY

Please enter your comment!
Please enter your name here