Diamars un poll di Fairfax-Ipsos a mustra cu 70% di esnan cu lo participa den e postal survey pa matrimonio di mesun sexo, lo vota na fabor di permiti parehanan homosexual pa casa. Preparacionnan pa e voto aki ta grandi, tur hende ta spera di haya nan formulario pa vota durante proximo siman.
E resultado lo sali na final di 24 ora pa e campaña di “Si”, mientras cu un di e companianan mas grandi na Mundo, Apple, a tira nan peso tras di igualdad. Den un declaracion, vocero di Apple a laga sa: “Nos ta apoya igualdad den casamento y ta pensa cu tur Australiano merece e libertad pa casa cu e persona cu nan ta stima, y tambe tin nan relacion reconoci cu e mesun dignidad y proteccion legal cu nan bisiña, famia y amigonan.” E debate tambe a bira fastioso ora cu ABC a pone un persona den aire cu a menciona di ta contento cu Hitler tabata encarcela personanan homosexual den camponan di concentracion. E discusion aki a lanta na Australia actualmente door di e desaroyo di e survey nobo aki cu ta hibando e pais un stap mas cerca pa igualdad.
Fuente: NEWS.AU
