‘E consecuencia di amienda 7’

Eric Alvin Conrad RAS(CURPA)

Nos tin Codigo Civil Nobo cu lo mester drenta na vigor. P’esey mes parlamento lo mester bay trata e ley di Invoeringsverordening.

Manera ta conoci caba partidonan politico MEP, AVP y PDR a vota PRO na e amienda 7 cu encera e legalisacion di e partnerschap cu ta mesun cos cu e matrimonio di mesun sexo.
E unico cos ta diferente ta e palabra partnerschap pero locual ta e contenido tur cos ta mesun cos y mesun procedura cu matrimonio. Corte Comun Europeo ta papia bon cla den e sentencia cu no por obliga un pais di legalisa e matrimonio di mesun sexo paso e no ta contra derecho humano. Den e sentencia ta papia bon cla cu e cultura di un pais ta hunga un rol importante sigur sigur aki na Aruba tambe cu e fundeshi di nos isla ta di uno di fe Cristian.

Importante ta pa pueblo sa cu ya e preparacion nan a wordo haci pa introduci e ley di genero na nos schoolnan. Anticipa pa un ley drenta na vigor por cuminsa introduci e leynan aki cu ta contra di tur nos norma y balor cu nos na Aruba a conoce. Aruba su fundeshi ta basa riba e principionan di DIOS cu nos conoce pa medio di e catoliconan y tambe e otro nominadonan di fe Cristian. E kerndoel 28 ta papia di e ley di genero aki cu proximamente mester wordo introduci na school.

P’esey ta importante pa nos sa den ken nos lo deposita nos voto di confiansa pa goberna nos pais Aruba den e proximo 4 añanan nos dilanti. Tur e 7 partidonan ta na fabor di e matrimonio di mesun sexo. Partido CURP@ for di principio a laga su bos resona cu nos ta contra di e matrimonio di mesun sexo. E ta un punto cu nos no lo discuti riba dje paso e contra principio di DIOS y pa partido CURP@ matrimonio ta keda entre homber y muhe. Principionan di Dios no ta negociabel.

You May Also Like

PDR: 1 partido 2 bestuur

ORANJESTAD – Pa exactamente 3’or di atardi, e grupo cu ta bisa di tin ...

ReD: Aruba su calidad di enseñansa mester un boost urgentemente

E partido blanco, ReD Democratico ta e partido cu ta para na tur momento ...

‘Aruba awor tin un bon nomber internacionalmente’

Lider di AVP Mike Eman ta haya cu e trabou cu ta wordo haci ...

MEP: E campaña di manipulacion di AVP ta sigui

Awor cu e fecha di eleccion di 22 di September ta acercando por mira ...

POR: “E participacion civico y politico di Millennials”

  Ta falta solamente algundiapa e debate politico organiza doordi  y pa e grupo ...

Parlamentario encarcela despues di duna sla den parlamento

E parlamentario Jacintha Constancia di partido MFK ta cera pa motibo cu el a duna ...