Matthew: vuelonan American Airlines cancela, Aruba Airlines ainda ta bula

Update: vuelonan di Aruba Airlines tambe a wordo cancela

E dos vuelo di American Airlines Aruba- Miami a keda cancela pa motibo di e mal tempo causa pa horcan Matthew. Sinembargo Aruba Airlines ainda no a cancela nan vuelo di 17.30. E motibo no ta conoci te awor. 

Na Merca autoridadnan a urgi mas cu 2 miyon hende bibando cerca di e costanan di Florida, Georgia y South Carolina pa evacua. E gobernador di Florida a comparti su preocupacion awe mainta: “Esaki ta algo serio. Den e caso bo mester evacua y bo a bay caba, haci’e. E tormenta aki lo mata bo. Tempo ta cabando.”

Horcan Matthew ya a mata 28 hende te awor.