Diahuebs 15 di october 2020, a yama un reunion di parlamento caminda e topico di spear fish lo mester a wordo trata. E reunion tabata pa yuda e tiradonan di pisca. Nos por a mira cu tin un ley cu ta prohibi tiramento di pisca. E minister cu ta mas involucra cu e ley aki ta Minister di Justicia, Siguridad Y Integracioncual ta minister Bikker y Minister di Transporte, Comunicacion y Sector Primaria cu ta encarga di pesca cual ta minister Romero.

Durante e reunion bo ta bin cu un mocion di desconfia contra di e Minister Desaroyo Teritorial, Infrastructura y Medio Ambiente cual ta minster Lopez Tromp. Minister Lopez Tromp su participacion den e ley aki ta hopi limita mes. Como minister bo kier bin cu un gedoogbeleid cual con cu bo mir’e ta contra di ley paso mester bay duna ordo na Ministerio Publico pa no actua.

E mocion di desconfia contra di minister Lopez Tromp no tin nada di haci cu e tratamento di ley pio ainda pa retir’e como minister. Con sabi cu bo kier ta pa como president di parlamento pa bay over na votacion a sabiendo cu bo no tin mayoria den parlamento. Nos Staatsregeling ta bisa cu nos parlamento tin 21 asiento. Pa tin bo mayoria den parlamento bo mester tin logicamente 11 voto pa por pasa un ley. Tin cierto leynan ta exigi dos tercera parti.

Locual cu a pasa diahuebs ultimo caminda e president di parlamento a dicidi di bay over na votacion caminda no tabata tin quorum ta un golpi di estado paso no ta respeta nos Staatsregeling. E ta un acto gravisimo y ainda e kier su reglement van ordo cual no ta mas halto cu nos Staatsregeling. E votacion diahuebs ultimo a laga un nubia scur riba nos Constitucion.

Esaki ta un golpi di estado caminda minoria ta dicidi riba mayoria. Mester bin cu ley cu ora un cos asina tuma luga ta detene e president y parlamentarionan pa a comete un golpi di estado. Esakinan ta partidonan socialista cu ta tuma decision a estilo di e chavistanan. Nan ta dicidi y ningun hende no por bisa nada. E hendenan aki a perde tur strea. Asina mes cu nos ta den reino Hulandes nan ta actua asina y no tin respect pa un estado di derecho ta con lo ta si nos no ta den Reino Hulandes? Peor cu Venezuela. y ta trapa ariba leynan.

LEAVE A REPLY

Please enter your comment!
Please enter your name here