24juniNP emergencia.jpeg

Riba e di dos encuentro entre prensa cu Hospital, director Ezzard Cilie a trece mas informacion dilanti di con hospital su departamentonan ta funciona. E biaha aki a amplia mas riba e retonan cu tin actualmente cu Spoed Eisende Hulp (SEH).

 

Ultimo encuentro a splica tocante e dinamismo cu ta tuma luga riba emergencia, cual tin di haber tambe cu e cambio di nomber di EHBO pa SEH.

“E palabra triage a wordo introduci for di tempo di guera caba unda cu ta haya multiple victima cu mester wordo yuda casi hunto. Nan a crea un sistema cientifico con pa haci triage. Pues ken mester di ayudo y ki tipo di ayudo, con lihe y con urgente e ta. E mesun sistema ey ta wordo aplica unda cu e prome paso ta screenmento, e screenmento ey ta wordo yama triage. Hospital ta ricibi casi 32 mil bishitante na SEH pa aña y casi mi por garantisa cu dentro di e prome 5 minuutnan 1 hende ta wak e persona como pashent. Tin biaha ta 3 minuut, tin biaha ta 5 min. Pues semper un hende ta wak con urgente bo caso ta y esunnan cu ta haci esaki ta enfermeronan specialisa. Ora cu nan ta duda nan ta check cu dokter prome cu e categorisa bo pa con urgente bo caso ta (segun color).”

 

Menos cu 1% realidad ta emergencia

E pashent semper ta interesa pa sa cuanto e tin pa warda prome cu e wordo yuda, pues hunto cu e color ta bay un calculacion di orario, cual e ora e por dicidi si e ta desea pa warda of no. Pashent cu wordo categorisa pa cora, no por warda y ta wordo yuda inmediatamente. Esaki ta un hende cu trauma of a punto di perde su pida. Por mira cifranan di 2013,2014 y 2015 cu a wordo atendi di categoria cora, ta mira di e 31 mil pashentnan cu tabatin 118 na 2013, 134 na 2014 y 117 na 2015. Esaki ta nifica cu ni 1% di pashentnan ta bin cu e tipo di urgencia ey na SEH. Pa loke ta e di dos categoria cual ta oraño, nan mester warda un ora. Si mira cifranan di categorianan cu mester warda mas largo esta blauw y berde, nan no ta pashent pa SEH mes. Segun Sr. Cilie, nan no ta urgente y mester bay dokter di cas. Den e categoria berde tin 19 mil cu a atende na 2013, 17 mil 2014 y 17 mil na 2015. Tur e pashentnan aki no mester yega SEH pero ta bin sinembargo y ta haya nos obliga di trata nan (pashentnan cu AZV no ta cubri). Pa loke ta e categoria blauw tampoco y  corda e ultimo categoria cual ta esun shinishi.” 60 minuut ta wordo uza pa muchanan cu no mag di warda mas cu 1 ora, el a agrega. Hendenan di edad a pesar cu nan ta di otro categoria, no por laga nan warda hopi y ta purba yuda nan tambe dentro di 1 ora. “ora un Mericano wordo yuda aki na Aruba, nan ta bisa cu e servicio ta asina bon y cu nan no por realisa cu nan ta wordo yuda asina lihe. Nos aki na Aruba, cada persona ta haya cu su caso ta esun di mas urgente y no kier warda pa niun hende pasa su dilanti cual ta un comportacion cu ta topa hopi.”

 

Asina segun cu tin e cifranan di SEH, ta uza nan pa calcula cifranan di pashent cu ta wordo interna den hospital tambe y asina calcula cuanto nan ta costa tambe a base di e cantidad di ora cu nan ta keda na hospital y ta saca e averahe. E prome 4 lunanan di e aña aki 2016 compara cu aña anterior ta duna impresion cu e cantidad ta subiendo como cu na luna di maart cu april e cantidad a subi cu mas cu 300 pashent. Segun e cantidad di pashent ta subi e cantidad averahe di espera tambe ta subi. Tin pashent hasta ta asina critico cu nan no por keda hopi na SEH. Den e caso ey nan necesidad di cuido ta asina intensivo cual no por duna y mester pensa riba un ICU por ehempel. Segun e director, mas largo nan keda SEH e ora, ta mas daño ta haci na nan y mas grandi e riesgo por ta cu nan ta confronta cun’e pa complicacion.

 

Reunion cu AZV

Servicio di nos dokternan ta hopi critica na Aruba, pa motibo di e proceso pa nan pashent haya cita pa mira dokter. A puntra Sr. Cilie con leu ta cu AZV riba esaki, E a bisa tin dos luna combersando cu AZV, asociacion di dokternan di cas, Minister y hospital di ki forma por haci algo mirando e cifranan. “Aworaki hospital tin e percepcion cu ta nos tin cu draai pa tur cos y a yega un momento cu no por mas,pues e ayudo mester bin di afo. Pues ainda ta wak di ki forma por trece solucion, pasobra nos tambe ta coriendo riesgo ora cu tin un sala asina yen, cu no tin forma ni pa wak nan, como cu no ta ekipa pa haci esey, e ora tin hende hopi malo cu no ta wordo detecta.

Terminando Sr. Cilie a bisa cu mester corda cu un SEH tin na Aruba, a inventa un sorto si huisartsen praktijk den dje cu ta traha 24/7, pero e sistema no ta p’esey. Haciendo esaki sinembargo  e cifranan no a baha pasobra hende ta keda bin. Tin dokter na Warda Pariba y Pabou, cual ta unda personanan cu no ta urgente mester bay busca cuido na prome instante.

https://ssl.gstatic.com/ui/v1/icons/mail/images/cleardot.gif