Donald Trump ta bisa cu e tin planea pa declara Noord Korea un estado cu ta sponsor terorismo.
E presidente a bisa cu esaki ta algo cu mester a wordo haci pa basta tempo caba y cu ta parti di e campaña di maximo presion contra e regimen nuclear. E declaracion ta e escalacion mas recien di problemanan entre dictador Kim Jong Un y Trump, kende ta insultando otro desde cu Trump a cuminsa campaña pa bira presidente. Kim y media di Korea a yama Trump un homber bieu loco y un idiota, mientras cu Trump a yama e dictador ‘little rocket man’ y otro insultonan. Oficialnan Mericano a categorisa e asesinato di e ruman homber di e lider di N. Korea na un aeropuerto na Malaysia e aña aki como un acto di terorista.
Fuente: NEWS.AU
