Merca a ricibi autorisacion pa confisca un Airbus A319-100 (Airbus), propiedad di y controla pa oligarca Ruso, Andrei Skoch, kende ta sanciona pa e pais, di acuerdo cu un orden di confiscacion di Corte di Districto Mericano pa Districto Sur di New York, cual a haya cu e avion ta suheto na confiscacion y perdida a base di e causa probable di violacion di e leynan federal Mericano contra labamento di placa.

Esaki segun un comunicado di Departamento di Husticia Mericano.

Segun e orden di confiscacion y e dossier huramenta ayera, dialuna 8 di augustus 2022:

Conforme e Ley di Podernan Economico di Emergencia Internacional (IEEPA na Ingles), e Ley di Emergencia Nacional (NEA), y Ordennan Ehecutivo otorga pa e Presidente di Estadonan Uni, e Oficina pa Control di Activonan Stranhero (OFAC) di Oficina di Departamento di Tesoro a designa Andrei Skoch como un Ciudadano Specialmente Designa (SDN) alrededor di dia 6 di april 2018, ā€œpa motibo di ta un oficial di gobierno di Federacion Rusoā€, ā€œun diputado di e Duma Estatal di Federacion Rusoā€ y pa motibo di su ā€œlasonan pa hopi tempo cu gruponan di crimen organisa Ruso, incluyendo tempo cu a pasa liderando un empresa asinaā€.

Despues cu Rusia a invadi Ucrania na 2022, OFAC a emiti sancionnan adicional contra Skoch y su activonan. Riba of alrededor di dia 24 di maart 2022, OFAC a designa Skoch y otro miembronan di e DUMA pa ā€œsostene e esfuersonan di e Kremlin pa viola soberania y integridad teritorial di Ucraniaā€. Riba of alrededor di dia 2 di juni 2022, OFAC a identifica e Airbus como propiedad blokea den cual Skoch tabatin un interes.

Registro di Airbus na Aruba

Skoch ta e doƱo beneficiario di e Airbus mediante un serie di empresa ficticio (ā€œshell companiesā€) y trustnan mara na su partner romantico. Despues cu OFAC a designa Skoch na of alrededor di april 2018, y continuando te cu of al menos alrededor di 2021, a haci transaccionnan den dollar Mericano pa paga pa e registro di e Airbus na Aruba, y pa premienan di seguro di aviacion pa e Airbus, cual ta un gasto necesario pa opera y mantene e airbus. Ta kere cu actualmente e avion ta na Kazakhstan, segun autoridadnan Mericano.

Ta pensa cu e Airbus (riba potret), di tail number P4-MGU y number di serie 5445 tin un balor di mas di $90 miyon.

Abogado Mericano Williams a elogia e trabao destaca di FBI y Departamento di Comercio Mericano, Bureau di Industria y Seguridad. E Division di Seguridad Nacional y Oficina di Asuntonan Internacional di Departamento di Seguridad Nacional, como tambe e Oficina di Control di Activonan Stranhero di Departamento di Tesoro Mericano a provee asistencia valioso den e investigacion aki.

Abogadonan assistent, Joshua A. Naftalis y Nicholas S. Bradley pa Districto Sur di New York ta a cargo di e investigacion.

E investigacion tabata coordina door di e Task Force KleptoCapture di departamento di Husticia Mericano, un task force interinstitucional pa cumplimento di ley dedica na cumplimento di sancionnan amplio, control di exportacion y medidanan economico cu Merca, hunto cu su partner- y aliadonan stranhero, a impone como respuesta na e invasion militar no provoca di Rusia na Ucrania. Anuncia pa Procurador General dia 2 di maart, y ehecuta pa Oficina di Procurador General interino, e task force ta bay continua probechando tur herment y autoridadnan di e Departamento pa combati intentonan pa evadi of socava e accionnan colectivo tuma pa gobierno Mericano como respuesta na agresion militar Ruso, segun e comunicado ta finalisa.

LEAVE A REPLY

Please enter your comment!
Please enter your name here