‘Mester busca un alternativa nobo urgente’

Negoshinan local chikito afecta pa medida di Venezuela:

E medida di Venezuela ta bayendo na un luna caba anto algun negoshi chikito di famia a cuminsa sint’e.  E indicacion cu gobierno Venezolano a duna ta cu e fronteranan lo keda cera pa un tempo indefini mientras comerciantenan na Aruba ta buscando otro alternativanan pa importa productonan.

“Mester busca un alternativa nobo urgente,” manager na Mac Pannini’s Fusion Peru sr. Eddy a expresa na Bon Dia.

Mac Pannini’s ta un negoshi local cu ta bende productonan manera batidonan saludabel di fruta y berdura, panini y awor mas cos na nan localidad nobo na Noord. Sr. Eddy ta bisa cu productonan manera lamunchi, patia, papaya, awacati ta e tipo di cosnan cu nan sa busca for di Venezuela, cu awor ta bin for di otro caminda inferior y hopi mas caro. “Por ehempel un papaya cu nos tabata paga cinco florin awor nos ta paga 11 florin pa e mesun producto pero practicamente hopi caro. Esey ta afectando nos y nos ta buscando alternativa.”

Sr. Eddy ta conta nos cu nan ta cumprando productonan mas caro y nan no a cambia e prijs pa cliente ainda. “Pisca por ehempel, e barconan chikito tabata bin cu pisca anto awo nos no tin pisca tampoco. Ta cosnan cu den cierto maneranan ta afectando nos.” Algun proveedor ta bisa cu tin barco di Colombia na caminda cu productonan pero ainda por ehempel sr. Eddy mes no ta mucho sigur di esaki, ki dia e ta bin y otro informacionnan.

Otro persona cu nos a combersa cu ne ta un ciudadano cu ta bende batido. E tin su negoshi di batido di famia pa dos aña caba y ta definitivamente sintiendo e efecto di e medida di Venezuela. Mispel, mora, mango (cual ta bende mas), parchita y mas ta cosnan cu nan no ta hayando. Nan tin cu cuminsa busca for di esunnan cu ta bini di Merca cual ta hopi mas caro pa nan.

Den caso di e luganan di batido nan ta cumprando nan frutanan na Superfood of Ling & Sons y nan ta bini berde; pues mester warda pa algun dia te ora nan ta cla pa wordo uza. “Nos ta tratando di wanta pa no mester subi e prijs di batido pasobra e ta bira fastioso pa nos clientenan,” e gerente na Mercedes Snacks ta conta Bon Dia, agregando cu e lo desea pa tur cos bin na normalidad pronto.

Doño di un fruteria cu nos a combersa cu nan algun dia pasa ta conta nos cu tin un container ta bini for di Colombia otro siman cu algun productonan y esaki lo yega rond dialuna of diamars.

 

 

You May Also Like

kerstboom.jpg

Kerstboom a yega

Un cos cu ta marca e ambiente di inicio di temporada di Pasco ta ...

29jan, JM, HAVA (1).jpg

Lo coopera ampliamente den investigacion di AZV y Departamento di Salud

Proximamente lo bay tuma luga un campaña caminda cu AZV, cu cooperacion di tanto ...

AZV: ‘Lo mester sigui e desaroyonan pa cambia ley pa tratamentonan experimental’

Tabata tin varios discusion den comunidad por ehempel riba dicon AZV no ta cubri ...

Reclassering website 1.jpg

Reclassering a lansa su website y Facebookpage

Presidente di Stichting Reclassering Jeugdbescherming Aruba, Sandra Brown a anuncia cu e fundacion aki ...

Estatua di Padu Lampe, Rufo Wever y Lio Booi ta instala riba Plaza Padu

Diasabra henter dia a dedica na e transporte di e estatuanan for di tayer ...

15caso wayaca (JO) (1).JPG

Caso Wayaca: Polis tin descripcion di sospechoso

Den cuadro cu situacion hopi lamentabel den caso di tiramento mortal na Wayaca diamars ...