Colegio di Supervision Financiero (CAft) ta keda insisti riba mas reduccion den gasto di cuido di salud. Den e comentario riba e revision di proyecto di presupuesto pa 2021, CAft ta indica cu Aruba no a realisa completamente e reduccionnan cu a keda acorda.

CAft a destaca cu Aruba a indica cu no ta bay logra realisa e reduccion di 60 miyon florin den presupuesto di AZV e aña aki. Conseho di Minister di Reino a puntra Aruba pa indica con por cumpli cu e tarea pa reduci gasto. Pa esaki, Aruba mester entrega un plan financieramente substancia na CAFt. CAft ainda ta wardando entrega di e plan aki.

Segun un relato den portal noticiero Aruba.nu, ta parce cu gobierno no tin ningun plan pa yena e buraco financiero cu a resulta di no a cumpli cu e acuerdonan cu a haci cu Hulanda relaciona cu reduccion di gasto.

Entre e recomendacionnan cu no a sigui, segun CAft, den e proyecto di presupuesto, ta reverti e espacio di vacaturanan presupuesta; incorpora e efectonan financiero di e Politica di Plan di Reduccion di Personal (BVP) den presupuesto; y presupuesta e entrada di e benta di tereno na Setar.

LEAVE A REPLY

Please enter your comment!
Please enter your name here