Den e programa Live di e portal Noticiacla diaranzon anochi ministro di Asunto Economico a admiti cu gobierno a permiti duna un ‘performance bonus’ na empleadonan di compania estatal Setar NV, a base di e “bon resultado di e compania, cu tabata fruto tambe di e esfuerzonan di e trahadornan”.

E bonus lo ta mitar salario di luna pa cada empleado. Esaki e mandatario ta mira como un compensacion parcial pa e 12,6% di salario cu e empleadonan a entrega. El a bisa cu e decision aki lo ta diferente pa cada empresa, dependiendo di nan situacion.

E expresion aki ta lanta sorpresa, ya cu gobierno como accionista lo haya menos dividendo, si parti di e beneficio ta ser usa pa duna empleado compensacion. E pregunta ta con ta hustifica esaki na momento cu gobierno mes ta indica e urgencia pa aumenta nan entrada den e crisis actual. Ademas ta aplica e medida aki den un caso y den otro no. Lo ta interesante scucha opinion di e sindicatonan riba esaki.

LEAVE A REPLY

Please enter your comment!
Please enter your name here