Instituto Jalisciense di Ciencia Forense a duna un informacion nobo di e graf na unda tabatin 119 saco cu e resto di al menos 44 persona na Zapopan, Jalisco.

E cifra di restonan cu a ser haya ta componi di e manera siguiente: nuebe curpa completo, 17 incompleto, nuebe cabes y nuebe heup di diferente persona, e personal di e dependencia a bisa.

Ainda tin piesanan cu ta analisa pa e investigadonan, asina cu e number di e victima lo por aumenta, e autoridadnan a bisa. E manera cu e curpanan a ser warda y scondi den e pos ta haci su identificacion mas compleho, pa motibo cu e forense mester revisa weso pa weso y haci pruebanan pa determina si nan ta pertenece na e mesun skelet.

E graf tin dies meter di profundidad y ta ubica den menos di un kilometer di un cuartel di e Polis Federal. Te awor ta califica como esun mas grandi cu a ser haya na Jalisco, un teritorio cu presencia di e Cartel di Jalisco Generacion Noboy di e cual Nemesio Oseguera Cervantes, alias “El Mencho” ta su lider.

E desconfiansa di e famianan di e personanan cu a disparce pa autoridadnan ta haci un impulso pa yega te e luga y asina nan mes por verifica cu no ta keda resto di curpanan bandona pa negligencia.

Den un comunicado, e colectivo ‘Familias Unidas por Nuestros Desaparecidos’ na Jalisco a solicita pa e Gobierno federal ‘ayudo urgente’ y a pidi no laga nan su so pa loke el a denomina un “crisis forense” cu no a ser enfrenta debi na cu e gobierno estatal “no ta conta cu e capacidad y recursonan” pa haci’e.

LEAVE A REPLY

Please enter your comment!
Please enter your name here