Segun noticia capta for di Twitter, usuarionan local a detecta yegada di 42 piloto Ruso di avion Sukhoi na Venezuela y lo a keda aloha den algun hotel na Araure, estado Portuguesa. Fuentenan militar a sigura cu Mando Militar y siguridad di Maduro, di servicio G2 di Cuba, ta desconfia e piloto Venezolano”, segun un tweet di Luis Borjas, ex-Hefe di Redaccion di diario Notitarde.

Despues di e expresionnan di e politico Chavista Pedro Carreño, a surgi mas atencion na Venezuela y Colombia pa loke el a bisa tocante posibilidadnan pa ataca Colombia cu misil o avion cu ta carga bom. Un Sukhoi cu ta sali di Base Aereo Santo Domingo na estado Tachira ta tuma como 20 minuut pa yega Bogota, es decir 1.200 seconde y no 11 manera Carreño a afirma. Distancia entre Bogota y Santo Domingo den linea recto ta entre 400 pa 500 kilometro. Esey ta e velocidad di un Sukhoi 30 cu Forsa Aereo di Venezuela tin.

Asina un oficial halto di forsa aereo Venezolano ta splica, ken ta expresa preocupacion pa loke ta sosodiendo cu e asina yama ehercicionan militar cerca di Colombia. E ta mas preocupa tambe pa e misilnan cu a trece te cerca di frontera.

E general ta splica cu e loke el a mira riba video ta trata di misilnan berdadero. “E misil real ta bay riba un truck Ural PR14, cu ta provee e rampa di lansamento. Segun su parecer, a hiba un compleho di lansamento pa La Fria, estado Tachira. Y cu mester tin un mas den parti nororiental, cu por ta riba Peninsula di Paraguana, haf di Altagracia na costa oriental di Lago (di Maracaibo) o na Base Rafael Urdaneta.

Y cuanto daño un instalacion ‘Pechora’ di fabricacion Ruso asina por causa?

“Tin compleho di alcance di 32 o di 27 kilometro, pero eseynan ta sistema bieu cu ta lansa un misil so cada biaha y contra un avion. Tin sistema di corto distancia cu ta loke Merca y Colombia ta teme mas pasobra nan ta dificil di detecta. Den region Andino so tin 324 misil di e tipo aki. Na nivel nacional tin como cinco mil di e tipo aki. A train miliciano durante varios aña pa maneha e sistemanan aki.”

LEAVE A REPLY

Please enter your comment!
Please enter your name here