Mexico: Conocido ambientalista indigena asesina

Guadalupe Campanur Tapia, activista indigena Mexicano

Guadalupe Campanur Tapia, un defensor di e reserva forestal Mexicano y activista den asunto social, a wordo haya strangula den estado occidental Michoacán, asina Fiscalia estatal a anuncia. E cadaver di Campanur, lider den e comunidad indigena di Cherán, a wordo haya riba un caminda di municipio Chilchota.

E prome investigacionnan ta indica cu e activista di 32 aña di edad a ser mata entre 36 y 48 ora prome cu a topa cu e curpa. Segun Fiscalia di Michoacan, Campanur no tabata reporta como desapareci, aunke personanan di su entorno a bisa cu nan tabatin varios dia sin mir’e.

Autoridadnan a informa si e crimen por ta relaciona cu e actividadnan di Campanur, cu tabata fundado di e cuerpo di guardabosque di Cheran, un municipio di Michoacan unda na 2011 nan a lanta contra companianan cu tabata corta palo y a cuminsa un gobierno autonomo, basa riba leynan di uzo y custumber indigena, expulsando criminal, polis y politico di e teritorio.

Amigonan di Campanur a informa cu el a laga su trabao di patruya e zona forestal caba, pero cu e tabata mantene su actividadnan den siguridad, husticia y reconstruccion di e teritorio comunal di Cheran.

Mexico ta un di e paisnan mas peligroso pa e defensornan di medio ambiente. Di 2010 pa 2017, 44 ambientalista a asesina na e pais, di acuerdo cu e ultimo reporte mundial di e organisacion Global Witness. Na esaki ta suma e ola di violencia contra hende muhe. Cifranan oficial ta conta cu di 2015 pa 2017 a registra 1.525 feminicidio na Mexico.

You May Also Like

Maduro: “loke no logra cu voto, nos lo logra cu arma.”

VENEZUELA (InfoBae/ Informe21).-  Presidente Nicolas Maduro a bisa den un acto politico cu “tur ...

Mexico: 2017 a surpasa tur record anterior di asesinato

Na final di 2017, Mexico a suma 29.168 homicidio intencional, e cifra mas halto desde ...

Surplus comercial di Brasil a keda na mas di US$ 62 biyon pa e aña

(G-1/OGlobo) – E balansa comercial Brasileño a registra un surplus di  US$ 3,54 biyon ...

Venezuela: Prome cargamento di ayudo humanitario a yega

E prome cargamento di ayudo humanitario pa Venezuela a yega ayera na Aeropuerto Internacional ...

Surinam ta haya prestamo di US$ 30 miyon pa drecha luz di caya

Caribbean Development Bank (CDB) a aproba un prestamo di US$30 miyon na gobierno di ...

Venezuela: Asamblea Nacional ta considera paga interes riba bono Pdvsa

Asamblea Nacional di Venezuela, controla pa un mayoria opositor, ta spera di por debati ...