A woman shops for meat at a market in Mexico City, Tuesday, Aug. 9, 2022. Mexico's annual inflation rate rose to 8.15% in July, driven largely by the rising price of food, according to government data released Tuesday. (AP Photo/Fernando Llano)

(AP) — Tasa di inflacion anualisa na Mexico a alcansa 8.15 porciento na juli, e cifra mas halto den casi dos decada, segun instituto di estadistica nacional a anuncia ayera.

Pero inflacion den prijs pa cuminda y bebida no-alcoholico ta mas halto ainda, cu prijs aumentando 14.5% den ultimo 12 luna.

Cantidad di famia Mexicano ta sintiendo e peso, y kedando sin cumpra e productonan mas caro, manera carni. Gobierno Mexicano a aumenta e salario minimo na e pais cu 22% na 2022, na alrededor di $8.50 pa dia, pero hopi di e aumento ey awo a keda consumi pa inflacion.

Señora Carla Valadez, un ama di cas, tabata haciendo compras na un mercado den Ciudad de Mexico ayera, y mester a cumpra berdura na luga di porco pa motibo di prijs. “Nos ta bay bira vegetariano pa motibo di necesidad”, el a bisa.

Tinga, un plato tradicional traha di tomati, siboyo y chile cu galiña of carni, awo ta exageradamente caro. “Mi yiu awo ta pidi mi pa traha tinga di wortel”, Valadez a bisa.

Juan Pardo, un pensionado kende ta purba di yega fin di luna cu $82 pa luna di un programa di pensioen complementario pa esnan di edad avansa, ta bisa cu “loke mi ta ricibi di gobierno no ta yega mas.” Pardo ta cumprando blachi di cactus nopal, y a cuminsa come mas berdura y bonchi na lugar di galiña y webo, pa motibo di prijs. “No tin nada otro mi por haci, si placa no ta yega.

Gobierno a elimina impuesto di importacion riba 21 producto alimentario basico, y a curasha Mexicanonan pa planta mas cuminda, pero no ta cla con hopi esey ta bay yuda den un mundo unda inflacion halto ta generalisa.

LEAVE A REPLY

Please enter your comment!
Please enter your name here