Mexico: Na e frontera cu Merca, detencion di famianan migrante a subi pa 375%

Entre e luna di october te luna di maart, e detencion di famianan migrante na e frontera sur cu Merca a aumenta te 375% compara cu e mesun lunanan di aña 2018. Autoridadnan Mericano a señala esaki ora gobierno di Donald Trump a anuncia e decision di apela e blokeo di politica di manda e solicitantenan di asilo bek na Mexico, pa nan warda e resolucion di nan proceso den e pais ey.

Di su banda, e Cas Blanco a argumenta na su apelacion cu ‘e fluho di migrante ilegal ta collapse nos sistema di migracion y ta abruma nos pais’ tambe a keha cu ‘un corte so, unilateral, ta suspende e ley di migracion di henter un nacion, y ta crea un crisis sin precedente na nos frontera sur’.

Sinembargo, e decision di e corte ta suspende e uzo di politica conoci como Quedate en Mexico, ‘cu ta parti di un programa di cooperacion extenso di negociacion cu Gobierno di Mexico’.

Mientras tanto, e autoridadnan di Mexico ta rechasa cu nan a bay di acuerdo pa manda e resto di e migrante bek, sinembargo, nan ta afirma cu nan ta acepta e migrante pa motibo di e politica humanitario.

E Oficina di Aduana y Proteccion di Frontera (CBP), a indica cu maart tabata e luna cu mayor cantidad di migrante aresta durante e ultimo 5 aña, loke ta haci un total di 92.607 aresto ‘entre e puesto di entrada di e frontera sur, den comparacion cu 66.884 na februari’, loke ta representa un aumento di 35% den un luna.

 

You May Also Like

Donald Trump: “Venezuela ta un desastre”

“Venezuela ta un desastre, Venezuela ta un desastre”, Trump abisa, ora cu el a ...

Puerto Rico: Trump ta exagera ayudo duna na e isla

Gobernador Ricardo Rosselloa afirma diahuebs pasa cu Cas Blanco a divulga informacion “incorecto” tocante ...

Dos hoben ataca pa colectivo chavista a muri durante marcha contra Maduro

Hende di partido oficialista y di oposicion a midi nan forsa cu diferente marcha ...

Merca ta emiti sancion nobo contra Venezuela

Presidente Donald Trump a caba di emiti un orden ehecutivo cu ta contene sancion ...

4 morto y 18 hende a disparce pa un riu cu a sali di su cauce na Colombia

Gobernador di departamento di Cauca (sur oeste), Oscar Campo a confirma cu 4 persona ...

Haiti: Presidente Moise ta kibra silencio despues di siman di disturbio

Presidente Haitiano Jovenel Moise a kibra silencio despues di un siman di disturbio y ...