Embahador di Trinidad & Tobago cu bishita di cortesia na Minister Plenipotenciario

DEN HAAG  – Recientemente Embahador di Trinidad & Tobago na Bruselas, Colin Michael Connelly, a haci un bishita di cortesia na Minister Plenipotenciario , Guillfred Besaril. Tambe presente na e encuentro tabata director interino di Arubahuis Glenn Ling.

Ademas di cera conoci cu otro, Embahador Connelly a probecha di e ocasion pa trata algun tema di interes mutuo pa tanto Trinidad como Aruba. Temanan manera entre otro maneho di desperdicio, economia y logistica na Aruba. Mirando cu Trinidad & Tobago tambe ta enfrenta e mesun reto cu Aruba riba esaki, embahador Connelly a haya e conseho na Hulanda pa acerca Aruba, Corsou y St. Maarten riba e topiconan aki.

Pa loke ta e topico di economia y logistica Embahador Connelly a splica Minister Plenipotenciario Besaril cu Trinidad & Tobago ta masha interesa riba e experiencia di Aruba cu Hulanda ( Port of Amsterdam y Rotterdam) riba e maneho di e wafnan di nos isla y a papia di posibel plannan di accion pa loke ta e tema. Riba e tereno aki tambe Trinidad & Tobago kier sa mas di e experticio di Aruba como un SIDS (Small Development States).

Minister Plenipotenciario Besaril a duna Embahador Connelly e consehonan necesario riba e terenonan discuti y a sigura e Embahador cu Aruba sigur lo ta dispuesto na duna e asistencia na Trinidad & Tobago y alabes na crea un clima economico den cual ambos Pais por sali beneficia.

Como recuerdo di e bishita hopi ameno, Minister Plenipotenciario Besaril a regala Embahador Connelly un buki di Aruba riba cual e Embahador a reacciona: “This gesture definitely entices me on going for a vacation to Aruba!”

 

You May Also Like

CtPyfCJWgAAa4M-.jpg

A haya 104 kilo di cocaina destina pa Aruba desde Venezuela

Segun informe di RCTV, ‘La Unidad Regional de Inteligencia Antidrogas No13 de la Guardia ...

Algun hoben den hospital despues di impacto di strena

Un hoben di Francia ta den un condicion hopi serio despues cu un strena ...

2997.jpg

Turkia ta aresta 13 persona relaciona cu atake na Istanbul Airport

Polis di Turkia a aresta 13 persona den coneccion cu e atakenan na Istanbul ...

Cartel di Mexico ta traslada 90% di nan actividad criminal pa Centro America

Cartel di Mexico a traslada den ultimo añanan un 90% di nan operacion relaciona ...

Rusia ta inicia weganan grandi di guera

Rusia y Belarus a lansa un training militar hunto, titula Zapad-2017, cual a haci ...

luna yen,

Luna yen riba dia di pasco mira despues di 40 aña

Desde 1977, un luna sumamente cla y yen por a wordo mira riba dia ...