‘Micro plastic ta den nos cuminda y bestia’

Den un reciente entrevista cu Juliet Carvalhal di Impact Blue, a splica tocante e expedicion cu e lo participa aden pa check e medida di plastic rond di mundo, y tambe e daño di e micro plastic den medio ambiente.

Impact Blue ta bay tin un investigacion di un proyecto cu lo tuma luga fin di november. Un expedicion. E proposito di e organisacion, nan tin 6 aña cu un barco di bela, cu nan ta haciendo diferente expedicion na varios luga, pa asina midi e plastic, micro plastic, e ta conoci como ‘Citizen Science Project’.

Den e proyecto ta participa diferente Universidad, un di nan ta University of Georgia hunto cu Jenna Jamback, cu ta haci estudio pa midi tur e plastic cu ta wordo produci na mundo. “E 79% cu ta produci for di 1950, 79% landfills y ambiente. Casi 80% di henter plastic ever basa riba esey e mesun doctor ta trahando cu organiscion expedition pa cualkier sample cu nan tuma riba nan biahe e ta wordo manda pa analis pa Universidad di Georgia.

Esaki ta su di 6 aña cu e ta ocupa haciendo expedicion na e Pacifico. E ta haciendo su di tres trip pa Caribe. “Nos ta bin Aruba, mi mester a pasa un proceso di aplicacion, anto mi a wordo acepta pa un crew di puro hende muhe. Tin 10 persona fiho riba e boto, cada 2 aña nan ta bay rond di mundo.”

Sra. Carvalhal ta bisa cu Aruba lo participa pa tambe colecta data di e nano plastic cu micro plastic den awa. Tambe cu ta trahando cu varios fundacion y departamento pa colabora den e proceso.

“Tin contacto, pero e idea principal ta pa traha hunto y wak kico e awa tin. Nos ta wak e lama cu ta cla y limpi, pero simplemente nos no sa ki sorto of cuanto micro y nano plastic tin den nos lama. Den ultimo aña cu nos a bay, no tabata tin ningun caminda cu nan no a haya plastic den awa den nos ocean”, sra. Carvalhal ta splica.

E idea di e ciencia aki ta cu ta bay haci e den boto, y pa Aruba su organisacion di Impact Blue lo sigui traha, pa asina sigui tuma medida di e micro plastic pa e añanan binidero, pa por sa di unda e plastic ta bin

Segun sra. Carvalhal ta bisa cu locual tin cu haci despues, basa riba e data cu nan colecta den nan biahe, ta keda prioridad. E biahe lo tuma luga dia 29 november y lo yega Aruba pa 9 december. Nan lo pasa Bonaire, y tin actividad cu ta trahando cu organisacion local ora yega Aruba, y tambe lo tin actividad cu nan lo anuncia aki par luna.

Sra. Carvalhal ta bisa cu Impact Blue a wordo lanta como un colaboracion di diferente stakeholder den sector priva. E board director ta esunnan cu a sponsor, anto tur e sponsor ta riba e board, cu ta haci pa e proyecto ta posibel. E partnernan di estudio den e fundacion.

Bon Dia Aruba a puntra sra. Carvalhal ki otro producto nan ta enfoca cu tambe ta causa daño den naturalesa. Tin persona cu ta tira otro material, cosnan pa sigui susha. Con por trece cambio pa evita otro material y proteha naturalesa den futuro?

Sra. Carvalhal ta contesta cu, como fundacion, nan ta tene un estudio independiente pa mescos nan a ‘tackle’ e prohibicion contra uza saco di plastic. nan ta bay haci un analisis y seccion pa yuda identifica otro reto pa wak kico nan por haci cu esey.

Sinembargo. e ta bisa cu pa e ley nobo cu ta biniendo, pa traha hunto cu stakeholders, plastic ‘ta malo pa nos medio ambiente’. E ta bisa cu tin otro substitucion cu nan tin den nan mercado. “Mi ta kere cu nos tin cu haci e cambio ey, pa wak con ta haci esey aceptabel. Con nos por trece cambio trahando den sector.”

E ta continua splica cu su pasion ta e plastic. E ta agrega cu na mundo, plastic ta algo den crisis, pa motibo cu esaki ta kibra den parti chikito y nan ta dura mas di mil aña pa desintegra completamente. “Aunke bo no ta wak nan, nan t’ey y nan ta keda eynan. E ta importante pa nos bira consciente con esey ta afecta nos sistema. E nivel micro plastic ta bayendo den nos cuminda y nos ta comiendo plastic den nos tera y animal”, sra. Carvalhal a finalisa bisa.

 

You May Also Like

27juli, JO, Borchi robes.jpg

Borchi den Oranjestad tin mas cu 20 aña ta dirigi turista den mal direccion

Un ciudadano a acerca Bon Dia pa comparti su disgusto riba e echo cu ...

Gobierno ta anuncia moratorium pa supermercadonan

Minister di Asuntonan Economico ta laga sa cu tin 185 supermercado/minimarket cu ta concentra ...

Programa SISSTEM ‘lo yuda cu expertonan cu ta traha na y pa Aruba’

ORANJESTAD— Eric Mijts: “Loke nos ta faltando pa hopi decada na Aruba ta hende ...

Plasterk: Hulanda no ta mucho interesa den Aruba

Minister Ronald Plasterk di Hulanda encarga cu Asuntonan di Reino a bishita Aruba ayera ...

Maduro su dollarnan ta cabando

(DolarToday) – A transcuri dos siman desde cu e Oficina di Control di Activo ...