Segun parlamentario Hendrik Tevreden: Gobierno por cumpli cu reduccion di edad di pensioen

Evaluando e contenido di e manifiesto cu a wordo entrega na final di e marcha organisa pa partido di oposicion (AVP), parlamentario Hendrick Tevreden (MEP), ta haya straño cu nan ta exigi pa cumpli cu bahamento di edad di pensioen, mientras nan mes a aumenta edad di pensioen.

E ta kere cu e tema di edad di pensioen ta un di e puntonan cu sigur partido MEP por cumpli cu nan.

Encuanto e promesa cu a wordo haci durante eleccion ultimo, y e falta di cumplimento di algun di nan di parti di gobierno (MEP-POR-RED), parlamentario Tevreden a indica cu tur locual MEP a presenta den e plan di gobernacion ‘nos por substancia esaki y bisa con nos lo por logr’e’.

E ta admiti cu berdad nan a priminti di goberna sin medida, pero e punto di salida tabata cu gobierno lo conoce un surplus ora nan a drenta gobernacion. Sinembargo esaki no tabata e caso, el a laga sa. Mas bien nan a haya un deficit di alrededor di 130 miyon florin.

E ta haya cu como gobierno cu a drenta nobo, nan a bin confronta un estado di 130 miyon di deficit. Solamente den proyecto manera Green Corridor, Watty Vos Boulevard tin alrededor di 80.9 miyon, cu mester wordo paga y cu e gobierno anterior nunca a presupuesta. Pues el a agrega cu nan gobierno no tabata premira un deficit, y un debe asina, ya cu gobierno anterior a proclama cu tur cos tabata den ordo. Esaki a demanda cu nan mester bin cu e pasonan of medidanan cu a wordo tuma.

Pa e miembro di Parlamento, e asunto di cumplimento of no di loke nan a priminti den eleccion, por bira un discusion cu nan por tin riba dje. E no ta haya algo malo pa debati riba e puntonan ey.

 

 

You May Also Like

MEP: ‘E prome reto cu Gabinete wever-croes a hereda ta e reto financiero’

Prome minister di pais Aruba, Evelyn Wever-Croes, den su prome discurso den reunion publico ...

Parlamentario cu a pasa otro un wanta ta bek den parlamento

E partido MFK a anuncia cu lo duna parlamentario Jacinta Constancia su asiento den parlamento ...

Evelyn Wever Croes

Ban cuida nos medio ambiente di berdad no cu palabra so

Den siman ta hopi hende a haya un susto ora a mira e destruccion ...