(CNET) – Mientras gobierno Mericano ta continua expandiendo su scrutinio di criptomoneda, su Departamento di Husticia a forma un unidad nobo pa su control.

E Team Nacional di Cumplimento di Cryptomoneda (National Cryptocurrency Enforcement Team, NCET), introduci e siman aki pa Procurador General Interino, Lisa O. Monaco, ta bay investiga y enhuicia ‘mal usonan criminal di criptomoneda, particularmente crimennan cometi pa intercambio di moneda virtual, servicionan di ‘mixing and tumbling’ y actornan di infrastructura di labamento di placa’.

NCET ta bay haci uso di experticio di Seccion di Labamento di Placa y Recuperacion di Activo (MLAR) di Division Criminal di Departamento di Husticia, su Seccion di Crimen di Computer y Propiedad Intelectual, y otro seccionnan dentro di e Division Criminal di e departamento.

“Mientras e tecnologia ta avansa, asina tambe e Departamento mester evoluciona cune pa asina nos ta prepara pa caba cu abuso riba e plataformanan aki y sigura confiansa di usuario den e sistemanan aki”, Monaco a bisa den e anuncio.

E anuncio ta detaya e actividadnan cripto-criminal di mayor interes pa gobierno, incluyendo pago di secuestro cibernetico (ransomware), labamento y servicionan ilegal di placa, como tambe uso di criptomoneda den ‘mercadonan preto’ pa paga pa droga ilegal, arma y herment di hacking. E anuncio no ta inclui detaye riba personal of presupuesto.

E lansamento di NCET ta yega despues di sancionnan di Tesoro Mericano riba SUEX, un intercambio di cripto Ruso cu a acusa di ‘facilita transaccionnan financiero pa actornan di ransomware’.

A crea Iniciativa di Moneda Digital di MLAR na 2018 pa enfoca riba investigacionnan di crimen cibernetico. Su mision tabata pa expande experticio y capacidad di Departamento di Husticia pa investiga actividad ilicito di criptomoneda. Por considera NCET e siguiente fase di e esfuerso aki.

LEAVE A REPLY

Please enter your comment!
Please enter your name here