Mike Tyson su proximo oponente no ta Roy Jones Jr, sino bo horea, pasobra e leyenda di boxeo oficialmente a haci su debut musical, y e cantica ta un ‘banger’.

Tyson, di 54 aña di edad, ta preparando pa su prome pelea grandi contra Roy Jones Jr. di 51 aña di edad dia 28 di november proximo, y el a dicidi di anima su mes pa e evento grandioso aki door di usa un microfon.

Tyson a join e grupo basa na Los Angeles, Tiki Lau, pa e colaboracion, resultando den e cantica cu e titulo perfecto di ‘Mike Tyson’.

Por scucha Iron Mike bisa algun linea hopi intenso den e cantica, manera ‘mi ta e mas salvahe, mi ta e mas loco, mi ta esun fuera di mundo, e vicioso, e mas destructivo di e luchadornan’.

Pero tin mas. “Un hefe militar internacional cu lo ranca bo curason, y guess what? Ami ta Mike Tyson!!”

Tin rumornan cu Iron Mike lo por usa e cantica como su ‘walk-out song’ na momento di subi e ring pa e pelea contra RJJ proximo luna, pues por pensa cu RJJ lo ta trahando su propio cantica?

LEAVE A REPLY

Please enter your comment!
Please enter your name here