E mil retiro cu Booking.com a anuncia awe tabata den aire pa lunanan caba. Door di e collapse di biahe internacional door di coronavirus, e compania a perde un parti grandi di nan ingreso.
“Booking.com a perde trafico internacional di pasahero turistico y negoshi,” Thijs Geijer, economico di ING, a bisa. “Por ehemplo pasahero di Asia y Merca cu no ta confortabel den Europa ta usa Booking.com. Pero awo nan no por biaha mas, y pues nan no lo reserva hotel mas.”
E reduccion di demanda pa hotelnan ta wordo expresa den decenas di porcentahe y ta afecta principalmente ciudadnan cu ta depende di turismo masal y actividadnan comercial, como curso y conferencianan. E efecto grandi cu coronavirus tin riba e mercado di hotel por wordo observa di e despido di mil di empleado na Accor, cadena di hotel mas grandi di Europa.
2023
Stef Driessen, economista di ABN Amro, ta spera cu e mercado di turismo lo ta mescos cu esun di 2019 den aña 2023. “E gasto mundial di turismo a crece den e periodo di 1995-2019 cu un promedio di 5.9 porciento anual,” Driessen ta bisa. “Hasta cu dos profundo recesionnan economico y e pandemianan SARS y MERS e gasto mundial no a cambia.”
E futuro ta parce menos briyante pa e mercado di negoshi hotelero. Driessen ta bisa “Specialmente ciudadnan di congreso como Amsterdam, Rotterdam y Utrecht ta wordo dal duro. Prome y despues di e berano tin hopi curso y conferencianan cu a wordo cancela door di e incertidumbre y e regla di keda 1.5 meter for di otro. Ta pronostica cu e demanda pa e mercado di negoshi no lo recupera bon, pasobra tin hopi alternativa pa encuentronan fisico, como videoconferencia y curso online.
Caminda largo
E pregunta aterador cu e industria hotelero ta puntra, y tambe compania como Booking.com y Expedia ta: E clap mas duro a bin caba of lo tin mas? “E punto mas abou a pasa caba, pero e caminda pa recupera ta largo ainda,” Geijer ta bisa.
Mas informacion lo clarifica riba cuanto y unda e despido lo ta ora Booking.com publica su cifra trimestral riba diahuebs.
