E pareha di Hollywood Ashton Kutcher y Mila Kunis a recauda mas di 6.8 miyon di dollar te cu diabierna siman pasa cu ta un dia despues cu nan a traha un pagina di GoFundMe cu ta buscando ayudo pa e refugiadonan di Ucrania.
Kunis, cu a nace na e localidad di Chernivtsi na Ucrania den anja 1983, pero cu despues a muda pa Merca den anja 1991.
Segun e actor semper e la considera su mes un estadounidense, cu ta orguyoso , pero awe nunca e no a sinti su mes mas orguyoso di ta un Ucrania, asina Kunis a duna di conoce den un video riba medio social.
Loke cu ta pasando na Ucrania ta devastador, no tin luga den e mundo aki pa tipo di atakenan inhusto di e humanidad.
Kutcher, cu ta sinta banda di Kunis riba en video cu a keda traha ta confirma cu e fondonan ta wordo uza y pa brinda ayudo humanitario pa e refugiadonan di Ucrania cu a keda afecta pa e invacion di Rusia cu ta e pais bisinja di nan.
E desafio prinsipal na e momentonan aki ta e logistica. Mester busca vivienda y hiba un rigistro y recursonan na unda nan ta, asian Kutcher a duna di conoce. Na varios ocacion e la expresa cu nunca e no tabata asina orguyoso di ta casa cu un Ucraniana.
E dos actornan a casa den 2015 y a duna di conoce cu nan a duna mas di 3 miyon di dollar cu e obhetivo final di recauda 30 miyon di dollar. Actualmente e pareha ta asocia nan mes cu e pagina di web di casnan cu por haya di corto plaso Airbnb.org y Flexport.org, cu ta organisa evento di ayudo humanitario na e refugiadonan.
