Dialuna polis di Rio de Janeiro a haya cerca di 40 miyon di bolivar Venezolano (cerca di $53.500, segun tasa di cambio oficial, of $13. 600 segun tasa di cambio paralelo) den dos auto cu a ser horta na un favela di e zona portuario di Rio de Janeiro.

Polis a haya e cantidad di biyete tira riba sienta y patras den bahul di e auto. Polis a haya sa di e situacion ey pasobra nan a haya un denuncia anonimo, agencia di prensa Brasil a informa. E decomiso a tuma lugar den un favela di Caju, caminda a sucede un intercambio di tiro entre traficante di e zona y polis. Den e incidente no a raporta ningun hende herida y tampoco ningun persona a keda deteni.

‚ÄúAgentenan ta sospecha cu e placa aki por tin relacion directo cu trafico di droga,¬†pero e cantidad di placa aki no ta un placa cu nan por intercambia facil den mercado,¬†anto mester avansa den investigacion y asina haya sa e destino final cu tabata¬†planea pa e placa aki‚ÄĚ, Agencia Brasil a bisa.¬†E cargamento ta hopi grandi y a sorprende polis y opinion publico pasobra e¬†moneda di Venezuela tin balor na pais ey solamente, y por ta na algun ciudad na¬†frontera, pero Rio de Janeiro ta situa na miles di kilometer di distancia di e frontera¬†di Venezuela cu Brasil.

Medionan di Brasil a calcula cu e placa confisca ta 12 miyon di real (3,8 miyon di dollar), pero e balor ey no tin ningun relacion cu e cambio actual cu e moneda Venezolano tin awor riba mercado paralelo. Gobierno di Venezuela a monopolisa tur divisa desde 2003, loke a haci cu riba mercado negro mester di como 300 biaha mas di e biyete berde pa cumpra dollar, compara cu e tasa oficial di cambio (10 B pa 1 dollar), cu ta destina na paga importacion di alimento y medicina.