Diamars anochi e sospechoso Alexis Martina Belbodas a huy for di e porta patras di warda di polis na San Nicolas.
E sospechoso aki ta naci na Aruba dia 18 di februari 1997 y ta biba na Sabana Basora Noord 89, e tin un estatura di 1.80, color scur, y tin un gips cora na su man drechi.
Diamars mainta el a wordo deteni, ora cu autoridadnan a haya informacion cu e ta coriendo rond den un auto y e ta arma. Patruya a para e Nissan March geel na Brazil y aki a cuminsa rista den e auto, caminda a haya tanto droga como un arma di candela. Ora cu e sospechoso a huy for di warda di polis, el a core bay direccion pariba. Autoridadnan a busca den bisindario pero sin resultado. Despues a expande e buskeda pa e area di Sabana Basora.
