Minister Besaril cu peticion na Instituto di Cultura pa documenta 35 aña di Arubahuis

DEN HAAG – “Lo mester bin un documentacion di e historia di Arubahuis desde cu e representasion di Aruba na Hulanda a keda estableci 35 aña pasa.” Esaki tabata e mensahe cu Minister Plenipotenciario Guillfred Besaril a bisa durante un reunion cu director di Departamento di Cultura (DCA) drs. Siegfried Dumfries. Tambe presente tabata Nuris Dabian, coordinador di e departamento di Asunto Social na Arubahuis. Tambe presente tabata Nuris Dabian, coordinador di e departamento di Asunto Social na Arubahuis.

Segun e mandatario e capitulo aki mester wordo skirbi, pasobra hopi persona di e tempo ey ta
yegando un edad avansa. Lo mester busca e personanan ey y hancra e parti di historia aki cu ta
hopi importante pa nos pais. Arubahuis ta un di e departamento di Gobierno di Aruba cu tin mas
tempo di existencia, mirando cu e la wordo funda prome cu Status Aparte.

Minister Plenipotenciario Besaril ta mira un rol pa DCA. Pesey lo bin un peticion na DCA pa nan conseho riba e investigacion aki. Otro punto cu Minister Plenipotenciario Besaril a papia cu sr. Dumfries ta relaciona cu Papiamento. Lo ta bon pa bin cu un investigacion bou di e Arubanonan cu tin hopi aña na Hulanda pa analisa nan Papiamento. “Durante mi prome aña na Hulanda mi a topa cu Arubanonan cu tin mas cu trinta aña ta biba na Hulanda. Mi a bin ta nota cu nan Papiamento ta contene palabranan y dichonan cu
nos tabata usa antes na Aruba. E Papiamento di e personanan aki no a experencia e influencia di
otro idiomanan, manera ta e caso na Aruba. Esaki por ta parti di un proyecto pa DCA den cuadro
di Papiamento. Lo mester haci un investigacion preliminario riba esaki pa mira e factibilidad di e
Proyecto aki”, asina Minister Plenipotenciario Besaril a bisa.

Director di DCA Dumfries a bisa Minister  Besaril cu tur dos tema e ta tuma hopi na serio na momento cu bin un peticion oficial for di Arubahuis. Tanto Minister Plenipotenciario Besaril como sr. Dumfries a bisa cu mester sondea si Union Europeo tin fondonan pa haci e tipo di investigacionnan asina.

Na final di e encuentro Siegfried Dumfries a haci entrega na Minister Besaril di e relato anual di
DCA di 2017.

E potretnan ta cortesia di Cas di Aruba

You May Also Like

Apenas 20% di nos poblacion ta bebe suficiente awa

ORANJESTAD – Iraida Thijsen, kende ta hefe di e seccion di salud di Ibisa, ...

image.jpeg

Atraco arma pafo di CMB Noord

Diahuebs den careda di 5:45 atardi un homber di edad a bay deposita placa na ...

Mayornan ta pidi husticia pa trato husto di nan yiu

Den e ultimo 2 añanan aki, Aruba a conoce dos caso caminda mayornan a ...

ethanol-free-gasoline-Leavenworth-KS_large.jpg

Gasolin ta subi cu 7 cent

Basa riba e posting promedio di Platts US Market scan (Gulf Coast) pa e ...

16-10-16accavenidafront.JPG

Accidente serio na Avenida Watty Vos a laga varios persona herida

Diadomingo anochi riba Avenida Watty Vos altura di e muffler shop a sucede un ...

15EntrevistaReginald.jpg

Reginald Danies: E lucha no ta stop tanten cu no cambia ley di castigo pa pedofiel

Den un entrevista exclusivamente cu Bon Dia Aruba Reginald Danies a conta kico ta ...