Minister Besaril cu plannan grandi pa introduci e-government na Arubahuis

Den Haag – Minister Plenipotenciario Guillfred Besaril a haci un bishita di trabao na Futura Lab. Aki e mandatario a reuni cu Varelie Croes cu ta na cabes di e bureau aki cu tin como tarea principal pa duna contenido na e maneho di gobierno riba tereno di innovacion.

Un punto cardinal cu Minister Plenipotenciario Besaril a trece dilante ta introduccion di e-government na Arubahuis. Pa por haci esaki lo mester bin un asina yama “doorlichting” di e organisacion riba tereno di finanzas, operacion y recurso humano. Asina esaki ta cla, minister Besaril lo ta desea pa Futura Lab por analisa e rapport aki pa nos mira con nos ta bai finalisa e proceso aki. E motibo pa e peticion aki ta basa riba e presentacion sumamente interesante cu Varelie Croes a duna recientemente na conseho di minister basa riba nan experencia di nan bishita di trabao na Estonia. Di su banda Minister Besaril a bisa cu e tin bon contacto cu e embahadora di Slovenia, na cual pais tambe nan ta hopi leu cu e proceso di e-government. Segun Minister Plenipotenciario Besaril, Aruba por siña di e paisnan aki.

Tambe a papia di e posibilidad di un portal pa acumula data di Arubanonan cu ta biba na Hulanda. Esaki ta un proceso cu mester bai cuateloso cune basa riba e ley di privacy na Europa. Loke si Minister Plenipotenciario Besaril a bisa di den ehecusion ta e introducion desde aña pasa di un “studentenvolgsysteem” pa asina tin un bon bista kico e studiantenan ta studia y den ki ramo di profesion nan a caba.

Un proyecto cu sigur tin hopi potencial, segun Minister Plenipotenciario Besaril, ta District 297, cu ta un plataforma cu por duna un indicasion di unda nos hendenan ta y kico nan ta haci; tanto pa studiante como profesionalnan. District 297 mester bira un plataforma pa crea posibilidad pa e Arubano cu kier bin traha na su pais of e entrepreneur Arubano cu ta mira chensnan economico na Aruba. Aña pasa District 297 a keda lansa na Hulanda door di Prome Minister Evelyn Wever-Croes na Arubahuis y despues tabata tin algun encuentronan na Hulanda.

Banda di District 297 Minister Plenipotenciario Besaril ta boga pa bin cu un mercado di trabao (banenmarkt) na Hulanda y crea un vacaturebank via di e website di Arubahuis unda e Arubano na Hulanda tin bista di e oportunidadnan di trabao na Aruba e doñonan di trabao por mira e tipo di profesionalnan Arubano na Hulanda cu nan por interesa nan pa bin traha na Aruba.

E potret ta cortesia di Cas di Aruba

You May Also Like

download.jpg

Mas atake cibernetico na Aruba

Banda di WEB otro companianan a sufri di atake cibernetico den e dianan aki. ...

Apelacion na comunidad pa yuda cu informacion pa resolve caso di asesinato na De Vuyst

Den cuadro cu detencion recien di sospechoso Jairo Chalgut den caso di asesinato na ...

13juni,SL, BCA.jpg

Banco Central di Aruba (BCA): Ta clarifica su posicion relaciona cu ENNIA

A tuma nota di e noticia den medionan local di comunicacion relaciona cu Ennia ...

Si e ta haci coy sokete, no lag’e drenta cu bo 2017

Oh dande 2017 a bin pa saluda bo, ay nobe. Oh dande, mi 2017 ...

27juliNG BCA.jpg

Banco Central: Publicacion di “Operational Report 2015”

Banco Central di Aruba (BCA) ta publica awe su Operational Report 2015. Den e  ...

Unesco su Media Development Programme ta yega na su fin

Den cuadro cu Unesco su Media Development Programme, awe lo tuma luga e evento pa ...