Minister Dangui Oduber: Despues di 10 aña e estudio den enfermeria den salud mental (MGZ) lo continua bek.

ORANJESTAD – Diahuebs 14 di maart Minister di Salubridad Publico sr. Dangui Oduber tabata presente na Directie Volks Gezondheid (DVG) pa anuncia comienso di e estudio di Maatschappelijke Gezondheidszorg (MGZ). E estudio di MGZ lo resorta bou maneho di Sociaal-Psychiatrische Dienst (SPD). E estudio aki tabata scondi den e lachi di ex mandatarionan pa 10 aña y a perhudica nos profesionalnan di progresa. Awor Minister Dangui Oduber si lo bay ofrece e posibilidad pa haci e estudio di HBO-verpleegkundige dunando balor na nos profesionalnan den enfermeria.

Minister Dangui Oduber a duna di conoce cu e ta hopi satisfecho cu Aruba por brinda su profesionalnan e oportunidad pa haci e opleiding di HBO-verpleegkundige aki na Aruba mes. Nan tin e oportunidad pa mehora nan mes profesionalmente, sin cu mester bandona Aruba. Esaki ta un otro paso den mehoracion di e calidad di e cuido pero tambe e seguridad di cada asegurado, cual ta un di metanan principal pa e Ministerio di Salubridad Publico. Apesar cu gobierno a hereda un situacion financiero caotico, a presupuesta 200 mil florin den aña 2019 pa e estudio. Di e manera aki gobierno ta duna atencion real na e cuido di salud mental poniendo e ser humano central.

E estudio riba su mes lo ta riba e nivel di HBO y lo tin un duracion di 2 aña. Cu e estudio aki e enfermera/o di MBO nivel 4 por por specialisa den cuido di salud mental. Esaki ta un specialisacion cu ta haci hopi falta aki na Aruba. E estudio aki lo wordo realisa na e edificio di DVG.

Finalmente Minister Dangui Oduber ta sigura e comunidad cu di e maneranan aki lo sigui haci esfuerso pa mehora e calidad di cuido na Aruba. E Mandatario a trece dilanti cu lo bay sigui inverti den nos profesionalnan paso nan ta e weso di lomba di Salubridad Publico.

 

You May Also Like

Cambia compania ta rekeri compromiso serio di tur empleado

Siman pasa un grupo di trahado di Post Aruba a subi caya un rato ...

gasolin.jpg

Prijs di combustibel ta hisa entrante 11 di oktober

Basa riba e posting promedio di Platts US Market scan (Gulf Coast) pa e ...

IMG_0066.JPG

Fashion week a cuminsa cu nan evento espectacular

Ayera nochi na Ritz Carlton a cuminsa e Fashion week unda cu Silver Sarashi ...

mito croes.jpg

Mito Croes ex Politico a fayece na edad di 70

Sr. Mito Croes naci na aña 1946 na Aruba a studia ley na Katholieke ...

Hurricane Hunters Hercules a yega Aruba como parti di un tour den Caribe

ORANJESTAD – Ayera a yega na General Aviation Terminal di Aruba pa 12:04 minuut ...

auto cu curpa kima

Prome detencion den caso curpa kima

Un homber (29) bou inicial R.A.R. a keda deteni na Hulanda den cuadro di ...