Gobierno a adopta Trayecto di Formacion Social

ORANJESTAD – Ayera tardi gobierno a firma e convenio pa continua cu e Trayecto di Formacion Social na Marinierskazerne.

E convenio aki cu ta busca duna structura y formacion pa nos hobennan cu tin problema di conducta a keda firma entre minister di asunto social, Glenbert Croes y Comandante Der Zeemarcht Carib, General P.J de Vin.

E mandatario a laga sa cu gobierno a dicidi di adopta e proyecto aki cu a bin for di gobierno anterior pasobra e ta cuadra cu nan plan pa atende cu e plan crisis social. El a bisa cu nos hobennan ta pasando den situacion sumamente dificil, y nan mester di un apoyo den haya structura cu lo yuda nan den e caminda futuro di nan bida.

“Nos ta kere cu formacion social ta instrumental den duna nos hobennan structura positivo pa nan futuro,” e mandatario a bisa.

Den cuadro di e firma di e convenio aki, minister Croes a pidi pa studia e posibilidad pa duna hende muhe e oportunidad tambe pa sigui e trayecto aki. Pero tambe pa esunnan cu ta culmina cu e trayecto aki cu ta dura un aña por incorpora y sigui su carera militar na Arumil. Actualmente 20 hoben ta siguiendo e trayecto aki.

Den e acto di firma aki tabata presenta e coordinador di e proyecto di formacion social aki, Jessica Ras. Tambe Arumil, departamento di asunto social y DPL.

 

You May Also Like

lunah AZV 2 front2.jpg

AZV: Asegurado no tin derecho riba tratamento experimental

ORANJESTAD – Compania di seguro medico nacional AZV a reacciona riba e comentario di ...

Nos ta prepara?… Continuacion

Situacion na Venezuela ta explosivo Den nos edicion di ayera nos a elabora riba ...

SVB Edwin Jacobs

SVB: mester placa pa scapa fondo di seguro malesa

Bon Dia Aruba a publica awe dos articulo riba e fondo di seguro di ...

Taxista

Taxistanan a entrega manifiesto contra all-inclusive

Taxistanan a sinta cu minister di Transporte, Otmar Oduber, entre otro riba e controversia ...

presupuesto 2017

Raad van Advies a conseha gobierno pa no entrega presupuesto 2017; no ta realistico

E organo consultativo constitucional, Raad van Advies, a duna gobierno un conseho negativo riba ...