Como gobierno y crisis team nos ta hopi satisfecho con e ta bayendo e ultimo simannan. E ultimo luna e tendencia di casonan positivo ta bahando, e cantidad di casonan activo ta bahando y tambe e positivity rate ta bahando. Nos a mantene nos focus na tur momento y cu curashi a strategia y tuma decisionnan corecto cu a yuda nos maneha e pandemia mas miho posibel. Mundo ta experenciando e mesun retonan cu nos y e no ta facil maneha un pandemia manera Covid-19.
8 siman pasa nos a tuma varios medida pa nos reduci contagio y awe nos ta constata cu tur loke a wordo haci hunto cu esfuerso di nos communidad ta dunando resultado.
Nos a introduci toque de queda
Nos a cambia e sluitingstijd
Nos a reenforsa departamento di salud publico
Nos e reenforsa e team contacten onderzoek
Nos a reenforsa e team pa control ribaisolacion
Nos a introduci multa pa esunnan cu no mantene nan mes na protocol
Y Nos a reenforsa e team di taskfroce bedrijvenpa mas control riba negoshinan
Tur esaki a conduci cu awe e ta bayendo hopi mas miho. Nos ta keda optimista cu nos lo por mantene asina pero nos so no por. Nos mester cooperacion di nos comunidad pa sigui riba e ritmo aki. Nos mester sigui cu disciplina, nos mester sigui e protocolnan. Nos NO por bay descuida na ningun momento y haci como sifuera covid-19 a disparce.
For di un averahe di 141 caso nobo pa dia awor nos ta bao 10 caso nobo pa dia.
Di 1636 caso activo 8 siman pasa awe nos ta bao di 90 caso activo y nos ta na 85 caso activo. Sigur, esaki ta trece un tiki alivio cune pa nos tur considerando cuanto caso activo nos tabata tin na cierto momento y tambe cuanto caso positivo a wordo registra na Aruba. E positivity rate tambe ta bahando bao di 10% y actualmente ta na 9%.
Na hospital tambe e situacion ta bao di control. Ayera nos tabata tin 3 persona interna den ICU y 7 persona den Covid-19 afdeling.
E resultado aki NO a bin di su mes, Esaki ta resultado di un esfuerso en conhunto; di medidanan tuma pa e Crisis team di Gobierno y nos Pueblo cu a coopera pa adopta un actitud cu mas disciplina pa sigui e reglanan pa combati e virus y evita cu ta sigui plama. Sin lubida esunnan cu ta traha den cuido cu a haci un excelente trabou, masha danki na boso commitment y esfuerso.
Awor ta importante pa e cifranan keda abou considerando nos ta drentando high season di turismo. Si nos mantene e ritmo aki nos lo por tin un miho high season cu nos a proyecta cu lo contribui na stimula economia, crea empleo y crea entrada pa gobierno.
Loke sigur tambe lo por yuda ta e vacuna. Actualmente e companianan y moderno anuncia cu e vacuna cu nan a desaroya ta 94% exitoso. Pronto esaki lo bon riba mercado y bira disponibel.
Mi ta convenci cu nos lo recupera nos turismo y economia y cu comunidad lo demostra e comportacion y disciplina necesario pa nos logra.
