Dialuna mainta tabatin su prome rueda di prensa como Minister di Enseñansa y Deporte, Sr. Endy Croes,. Minister Croes a discuti diferente tema di prioridad pa e sector di enseñansa y a inventa risa su prome cuatro dianan como Minister di Enseñansa y Deporte.

Pa cuminsa e rueda di prensa e minister a felicita tur stakeholder y trahado di e sector di turismo ariba e Dia Mundial di Tursimo. El a felicita e seleccion di Aruba damas U-14 cu a wordo honra na e wall of rising stars na Paseo Herencia, y tambe a felicita e organisacion deportivo Aruba Dolphins cu nan competencia di open water.

Como minister di enseñansa, Minister Croes a indica cu aunke tin retonan hopi grandi den enseñansa, formando parti di e team Gabinete Wever-Croes II, e lo percura pa scucha tur stakeholders, analisa e dolornan y saca e puntonan di prioridad den e tereno aki. El a invetarisa su prome cuatro dianan como minister y a indica cu e ta den e proceso di reunion, pa scucha y analisa, cu entre otro sindicato SIMAR, Directie Onderwijs, Dienst Inspectie Onderwijs, Universidad di Aruba y EPI, pa asina e por tin un bon bista ariba full e tereno y proponiendo cu a ta direccion cu e lo kier bay.

Enseñansa ta un di motornan mas poderoso cu ta prueba, cu ta garantisa desaroyo y sostenibilidad. Den esaki mi ta sinti cu tur staeholders y tambe pueblo ta haya otro den e mesun liña aki. Ta keda e reto awor aki pa trece tur na mesa, wak den e mesun direccion pa nos por yega na concretisacion di nos metanan. Pa cu e direccion aki nos ta tuma e SDG (Sustainable Development Goals) 4, cu ta para pa enseñansa di calidad, como nos compas. Obhetivo di SDG 4 ta pa logra enseñansa, pa logra un enseñansa inclusivo, di calidad y pa tur hende”, el a bisa.

Un di topiconan di mayor importancia actualmente ta e situacion di werksternan di SKOA. Minister Croes a splica cu siman aki e lo reuni cu SKOA pa scucha nan banda y e lo bin cu proposicion pa forma un comision y pa asina den 30 dia por bin cu un solucion structural.

Mi ta kere sigur cu un comision, cu un representante di SKOA, un representante di ministerio, cu ta e expertonan primordialmente huridico ariba e parti financiero, un representante di finansas, nos lo por trece un experto externo pa forma un comision di cinco, pidi nan pa den 30 dia reprasa e leynan pa bin cu un conseho final cu na un manera masha elegante nos por bin cu proposicionnan cu ta sostenibel tambe y asina take care di e problema aki, Minister Croes a bisa.

Otro problema cu e minister a enfoca ariba dje ta e problema cu e intructronan di zwemmen di e scolnan. Segun el a splica ya caba el a contacta DRH y den e sigui entre dianan lo ricibi e conseho final pa DRH y na su luga e lo sinta cu e sindicatonan corespondiente, nan representantenan, pa haci cierto proposicionnan y asina trata na tur manera pa e proximo pago di e instructornan por ta regla “na un manera cu nan ta contento y nan ta satisfecho”.

Minister Croes a papia tambe di problematica cu OAA (Openbare Avondleergangen Aruba). E ta splica cu e seccion di OAA no a cuminsa ainda y cu tambe tin poco fragmentacion. “Nos ta bezig ta warda algun conseho pa yama e gruponan aki aden pa tuma decisionnan corecto tambe structuralmente pa por kita esaki tambe for di caminda, e mandatario a bisa.

Un problema cu recientemente a yega na su mesa ta cu tin un cantidad di alumno, 35 alumno, cu no por a cuminsa scol na EPB pa motibo cu no tin fondo disponibel pa e maestronan por habri extra klas pa duna extra les. Minister Croes ta splica cu el a pidi e begroting coordinator pa investiga, den e propio begroting cu ta aproba caba cu e vision di e minister anterior, y segun Minister Croes, e posibilidad nan tey pa e fondonan necesario. “Mi por bisa muy probablemente, un 90%, entre awe of mañan nos lo anuncia y yega na un acuerdo cu e stichting pa pone e fondonan aki disponibel y habri klasnan, el a bisa. “Mi ta priminti comunidad y e mayornan cu ta pendiente cu e entre awe cu mañan esaki lo wordo resolvi tambe.

Minister Croes a toca e problematica, cu tambe a sali na cla recientemente, caminda hospital a kibra nan contract, nan samenwerkings protocol, cu EPI. El a aplica cu durante e ultimo dos dianan e informa su ariba e problema aki y a indica cu y muy pronto, hunto cu Minister Dangui Oduber, e lo sinta pa busca un solucion rapidamente pa e problema aki.

E parti di infrastructura di scolnan tambe ta keda un reto pa e minister. El a señala cu esaki tambe ta exigi hopi fondo pa mantencion di tur e edificio- y scolnan. Segun e minister esaki tambe ta bay tin atencion den e momentonan aki cu lo cuminsa e trayecto pa presupuesto 2022. “Nos lo percura pa inclui ideanan hunto y fondonan necesario. E vision y obhetivo di Gabinete Wever-Croes II ta pa soluciona problema.

Minister Croes a splica cu e minister saliente a papia hopi di e PEN2030,cual ta e rapport cu tin riba mesa cu diferente stakeholders a participa caminda tin hopi ideanan di kico ta e rumbo, e direccion cu enseñansa tin cu bay den dje di awo pa 2030. El a indica cu el a duna instruccion na tur stakeholders pa duna nos trece pa dilanti tres prioridad di nan listanan di idea. “Asina nos lo bay wak di cada departamento kico ta nan tres puntonan cu ta mas pura y esey nos lo bay match”, el a splica. “Mi ta sigur, di locual mi a tende di e prome ronda nan caba tin puntonan cu mi a mira cu ta match den tur e departamentonan y e ora mi ta kere como ministerio nos tin cu duna escogencia na esunnan cu ta di mas necesidad.

Aunke Minister Croes no a toca e tema di deporte, pregunta ariba e situacion cu Lotto pa Deporte y Minister Croes a bin pa dilanti. El a splica cu na december di 2020 el a cuminsa un caso contra e representantenan di Lotto pa Deporte, Ernst and Young. El a splica cu el a perde su prome caso, casi 10 aña pasa contra Lotto pa Deporte. Di e caso aki, a sali e informacion cu e rapport presenta pa e compania Ernst & Young tabata falso. “Abogadonan a conseha e momento ey cu por prueba, cu hopi prueba cu e rapport ta falso . E prome hues no a tene cuenta cu esey, dus no por a bay beroep”, el a splica.

Nos cuminsa un caso contra esun cu a skirbi e rapport pa lotto, cu den e caso aki ta e compania Ernst and Young y despues di casi 9 aña den corte, mi a gana den hoogberoep na januari 2018 caminda tres hues a bisa cu e rapport ta onrechtmatig. Ernst and Young a bay cassatie, y eynan cinco otro hues a verifica e sentencia y a yega na e conclusion cu e rapport di Ernst and Young ta falso y cu tin daño. Na december 2020 a entrega un caso nobo contra Ernst and Young pa dañonan, y e caso ey ta andando. Mi persona no a cuminsa ningun caso contra lotto pa deporte, e caso ta contra Ernst nd Young”, e mandatario a agrega.

LEAVE A REPLY

Please enter your comment!
Please enter your name here