Minister di Husticia: 15 miyon extra pa criminalidad

Min Dowers hoben criminalidad Br.jpg
Min Dowers hoben criminalidad Br.jpg
Minister di Husticia Arthur Dowers

E presupuesto 2018 di Husticia ta keda casi mescos cu a aña pasa sinembargo pa combati criminalidad lo bin extra placa, segun minister di Husticia Arthur Dowers. Nan ta trahando riba un plan cu ainda e no kier divulga cu lo trece sigur 15 miyon extra riba mesa.

Riba pregunta di Bon Dia Aruba si lo ta pensando direccion di un impuesto, manera a haci entre otro pa AZV, y como comunidad ta pidi pa extra medida di siguridad, e minister ta contesta: no. Tin un otro forma con nan kier yega na e fondo extra aki, sr. Dowers ta bisa, sinembargo mas detaye e no kier duna awor.

Banda di esaki pronto un ley ta bay parlamento e ta splica, unda ta duna husticia mas poder pa interveni den educacion di mucha. “E ley tambe ta duna posibilidad pa bisa e mama e mucha mester ta paden 6’or y pa e ora e mester ta paden.” Pasobra e minister ta bisa prevencion pa evita cu hobennan local ta cay den criminalidad, ta algo cu ta duna mas fruta den e combatimento di criminalidad na Aruba. E mester ta un intervencion integral unda husticia ta traha cu instancianan riba otro tereno, esta social, enseñansa, etc.

Criminalidad di Venezuela
Banda di esaki e ta confirma locual Bon Dia Aruba a skirbi siman pasa cu e situacion na Venezuela ta causa hopi criminalidad na Aruba. Esaki ta conta pa henter e region, e ta remarca. Pa motibo di esey e introduccion di Esta lo bin pronto pa asina tin miho bista riba e Venezolanonan cu lo drenta. Tambe e asunto di arma, manera conoci tin un negoshi grandi awor den arma ilegal for di Venezuela, tambe ta afecta Aruba, e mandatario ta bisa. Mayoria di e atracadonan ta Venezolano cu den un of otro forma ta haya yudansa di local, e minister tambe ta splica, asina confirmando locual Bon Dia Aruba a skirbi siman pasa despues varios atraco a tuma luga atrobe. E minister ta indica cu mayoria di e atracadonan te ainda, nan ta gara.

 

You May Also Like

Seppa: minister tin planea pa cera Centro di Observacion

Maestronan cu tin muchanan di nan scol na e Centro di Observacion a acudi ...

Luciano Maduro di departamento consumido

‘ Burocracia a stroba pa ley di Comision di Consumido bin cla’

Encuanto nos ordenamento legal pa brinda proteccion na e consumido, sr. Luciano Maduro di ...

Restauracion di mangel na comienso di Spaans Lagoen

Ayera trabounan di restauracion a inicia riba area di mangel parti panort di Spaans ...

Arumil cu inscripcion habri te 18 di mei

Durante open dag di Marinierskazerne Arumil tabata ricibiendo inscripcion pa hobennan por forma parti ...

DSC_4043.JPG

Señora atraca na su cas pa un cabayero cu cuchiu

Diadomingo marduga señora ta yega su cas na Mohicanastraat na San Nicolas y e ...