E caminda di Colombia pa e crisis di coronavirus por prolonga te fin di aña y incluso te e prome lunanan di 2021, e minister di Salud Fernando Ruiz Gómez a considera y a opina cu e actual incertidumbre na henter mundo lo disparce solamente ora haya un vacuna.

“E modelonan ta duna nos cu probablemente te fin di november, prome dianan di december, nos lo tin un cantidad importante di hende infecta. Mi aspiracion ta cu pa januari y februari nos lo pasa e pio parti di e situacion”, Ruiz a bisa.

Desde 6 di maart, dia cu a confirma e prome caso di Covid-19, e pais a acumula 159.898 persona contagia y 5.625 fayecido, cifranan cu segun el a splica, ta responde pa un strategia pa maneha pandemia y ta reduci e mortonan lo mas posibel.

E minister ta considera cu si Colombia na maart no lo a tuma e medidanan di aislamento social pa gana tempo y prepara e sistema di salud pa enfrenta e emergencia cu miho condicionnan, nan lo a haya “un pico na e prome siman di mei cu probablemente lo a yega 1.2 miyon persona afecta na e momento mas critico”.

P’esey, Ruiz ta considera cu e proyeccionnan ta “hopi incierto” pa motibo cu “ta depende hopi di e curso di e pandemia, disciplina di e hendenan y tambe di e medidanan cu por tuma”.

E dinamica di e pandemia a manifesta di distinto forma den e regionnan di Colombia, pa locual ta dificil pa papia di un pico nacional.

Sinembargo, a destaca cu na e pais “ainda nos tin 450 districto na unda e Covid no a yega”, di un total di 1.103 y cu e localidadnan ey “lo bay ta infecta di manera trankil, probablemente te fin di aña y principio di otro aña”.