Dutch Caribbean Nature Alliance (DCNA) a inicia su prome evento Junior Ranger Annual Exchange dianan 25-29 di october 2019, como parti di un maneho nobo pa cooperacion entre organisacionnan di maneho di parke den e seis islanan di Caribe Hulandes. DCNA a caba di finalisa su reporte di evaluacion cu ta duna un bista di e evento exitoso aki, y e lesnan valioso cu a siña pa proximo edicion.

Empodera muchanan pa ta emociona y tin conocemento di naturalesa ta critico pa preservacion di e naturalesa spectacular den Caribe Hulandes.

E 2019 Junior Ranger Exchange tabata principalmente un programa piloto, ya cu e tempo entre e idea y su ehecucion tabata cortico (cuatro luna). Esaki tabata un reto pa tanto e organisacion y e fondonan. Den nomber di team DCNA, ta extende un gradicimento sincero na esunnan cu a coordina e evento. E evento aki tabata un exito danki na e esfuersonan tremendo di Sietske van der Wal y Natasha Silva (Fundacion Parke Nacional Aruba FPNA), Roxanne Liana Francisca, Xenah Cicilia y Maria-Guanela Sluis (STINAPA Bonaire), y Emeray Neuman-Martha (DCNA). Danki pa tur loke boso ta haci pa hubentud den educacion di naturalesa.

Pa e convencion anual DCNA 2019, participantenan di 12-13 aña di edad for di e seis isla di Caribe Hulandes a ser invita pa join e Junior Ranger Exchange cu un tema special: Conservacion marino y di costa. Pa representa Fundacion Parke Nacional Aruba (FPNA), STINAPA Bonaire, CARMABI na Corsou, Curaçao Sea Aquarium, Saba Conservation Foundation, Saba Nature Education y St. Maarten Nature Foundation, a selecta cuatro adolescente pa cada isla y a trece nan hunto na e convencion. Actividadnan di DCNA ta generosamente patrocina pa Postcode Lotterij Hulandes. Danki na co-financiamento di Rabobank, World Wildlife Fund for Nature (WWF-NL), STINAPA Bonaire y sosten di supermercado Warehouse, a organisa e programa cu estadia, excursion y tayer na parke nacional Washington Slagbaai.

Den total, 20 Youth Nature Ambassador y 5 lider adulto (y 3 coordinador) tabata parti di e evento di intercambio, como tres Junior Ranger cu mas experiencia di STINAPA – kende na e edad tiki mas grandi di 15-18 aña, a funciona como lider durante cierto actividad. E 2019 Junior Ranger Exchange a demostra di ta un experiencia unico den cual e participantenan hoben tabatin oportunidad di siña tocante retonan di naturalesa y conservacion di otro, como tambe crea experiencianan memorabel hunto. E ‘camp’ a termina cu un presentacion di perfil halto cu a presenta e conocemento adkiri di e hobennan, discuti lesnan cu a siña como tambe con nan tabata kier inicia accion hunto cu e organisacionnan local respectivo riba nan isla natal.

E principio di participacion di hubentud ta cuminsa cu e nocion cu muchanan no ta pasivo of sin capacidad. E principio aki ta reconoce muchanan como comunicadornan activo y capaz cu ta participa y ta involucra den (seleccion y diseño di) actividadnan cu ta afecta mehoracion di nan bienestar general, incluyendo ambiente. E tipo di participacion aki ta tuma luga verticalmente entre muchanan y e organisacion/institucion, y horizontalmente entre e muchanan mes, a traves di procesonan enfoca riba interaccion entre mucha. Relacion di muchanan cu naturalesa ta clave pa un futuro sostenibel pa islanan di Caribe Hulandes.

LEAVE A REPLY

Please enter your comment!
Please enter your name here