(NLTimes) – Minister Hulandes di Salud Ersnt Kuipers no por garantisa cu no lo bini un lockdown nobo pa trata cu coronavirus.

Esaki ta depende riba e posibel caso unda cu mira un variante nobo di coronavirus. Si uno ta altamente contagioso, haciendo cu residentenan lo bira hopi malo, y ta resistente na e vacunnanan, e Gabinete lo mester tuma medidanan di restriccion.

Kuipers a splica den un debate di parlamento tocante e plan di tempo largo pa cu coronavirus. Parlamento ta prefera di evita un otro lockdown.

Kuipers no ta comparti parlamento su preocupacionnan pa cu capacidad insuficiente na servicio di salud GGD pa vacuna varios persona lihe na momento cu esaki bira necesario. Mirando cu GGD por vacuna 3 miyon persona dentro di 6 siman, e ta considera cu esaki ta un capacidad suficiente.

E preocupacion cu e tin ta cu e tasa di vacunacion. E resultado di e ultimo ronda di vacuna a laga su persona “desapunta,” e Minister a bisa. Den e ronda aki anteriormente e aña aki, personanan di mas di 60 aña y persona cu salud vulnerabel a ser invita pa un di dos ronda di booster shot. Varios di e personanan parti di e grupo aki no a ricibi un di dos booster.

Kuipers no kier cumpli cu parlamento su deseo di expande e capacidad di cuido intensivo. E capacidad aki ta suficiente segun e Minister. Hulanda actualemnte tin 993 cama di ICU completamente operacional, cu empleadonan disponibel. Di esaki. 686 tabata den uso riba diamars. Di e camanan aki den uso, solamente24 tabata pashent di coronavirus.

Si amplia e capacidad bira algo necesario, por aumenta ICU su capacidad na 1,700 cama. E unidadnan di cuido intensivo no por lidia cu mas di esaki, e Minister a bisa. Mas cama y mas ampliacion lo nifica cu no lo tin suficiente empleado pa cada pashent, y lo pone cuido regular bao presion.

Kuipers no por bisa ki tempo medidanan estricto pa cu coronavirus lo bira necesario. Den e olanan anterior, e presion riba cuido di salud y e ocupacion den ICU tabata e motibonan mas principal pa e necesidad di restriccionnan. “E situacion ta diferente awo. Tin y lo sigui tin variantenan, y varios persona recientemente a keda infecta” e Minister a bisa. “Mi no por premira for di awo si e cantidad di infeccion lo aumenta ni tampoco e probabilidad di un variante.”

Minister a nota cu e Gabinete actualmente no tin ningun opcion legal pa impone medidanan obligatorio, manera uso di tapaboca ni tampoco distanciamento social. E base legal aki a disparce ora cu Senado a rechasa un extension di e Temproary Coronavirus Act na mita di mei.

E gabinete por solamente impone medidanan obligatorio un biaha mas despues di aregla e Public Health Act. E minister lo somete un proposicion na parlamento na fin di augustus. Si e necesidad aumenta un biaha mas prome cu e proposicion por keda implementa, Kuipers por usa regulacionnan di emergencia pa tuma medidanan. Esaki tabata e practica tempo cu e pandemia a caba di cuminsa.

LEAVE A REPLY

Please enter your comment!
Please enter your name here